NATO uıymyna da qarsylas, básekeles kerek. Ol árıne, eń aldymen – Reseı. Reseısiz NATO-ǵa qıyn. Óıtkeni qazir álemde  Soltústik alánsqa qarsy turar kúsh joq. Sondyqtan da NATO-nyń aıqasar qarsylasy tek qana Reseı memleketi bolyp tur.  

SRÝ-diń burynǵy basshysy Devıd Petreýstiń oıynsha, «qyrǵı-qabaq soǵystan» keıin jaǵdaı turaqtaldy. Keńes Odaǵy qulady. Biraq keshegi kúnge deıin NATO-nyń qalaı bolmaǵy da úlken másele bolyp turdy. Óıtkeni SSRO kelmeske ketkennen keıin burynǵydaı saıası jaǵdaı shıelenisip, teketires órshigen joq. Tek keıingi jyldary ǵana álemdik ara salmaq qaıtadan bóliniske túse bastady. Oǵan basty sebep – Reseı».

Devıd Petreýstiń sózine sensek, «qazir anyǵyn aıtqanda, NATO uıymyna negizinen AQSH úlken kómek kórsetip otyr. Qarjylyq jaǵynan qoldaý kórsetip otyrǵan da – solar. Biraq Donald Tramp Reseı lıderine kelgende áli de jumsaqtyq tanytýda. Olaı etýge bolmaıdy. Qazir álemge jan-jaqtan qaýip tónip jatyr. Qytaı, Reseı jáne ıslam ekstremısteriniń qateri de kúsheıe túsýde».

Derekke júginer bolsaq, 2012 jyly Pol  Brodvell Ortalyq barlaý qyzmetiniń basshysy Devıd Petreýsten zańsyz bala tapqanyn málim etkennen keıin ol qyzmetinen ketkeni belgili.

SRÝ-diń burynǵy basshysynyń «Pýtın NATO úshin №1 syılyq boldy» dep otyrǵany beker emes. 1991 jyly Keńes Odaǵy qulaǵannan keıin SRÝ áskerı básekelestikpen emes, ekonomıkalyq barlaý qyzmetimen aınalysya ketti. Al qazir NATO uıymyna múshe elder úshin №1 jaý Reseı bolyp otyr.

Rasynda da AQSH prezıdenti Donald Tramp 2018 jyldyń qarasha aıynda sóılegen sózinde «NATO áskerı uıymyna múshe elder bólinetin qarjyny taǵy da arttyryp, tórt paıyzǵa jetkizý kerek» dep málimdeme jasaǵany belgili.  Qazir ár eldiń áskerı uıymǵa beriletin qarjysy 2 paıyz shamasynda ǵana ekenin aıta ketken jón.

Eýropa men AQSH-tyń jáne NATO uıymynyń Reseıden seskenetindeı jóni bar. Bul úreı  ásirese, Reseıdiń Qyrymdy anneksıalaýy men Donbass aýmaǵyna   ásker kirgizýinen keıin arta tústi. AQSH-tyń Eýropadaǵy qurlyq áskerleriniń basshysy general-leıtenant Frederık Ben Hodjes «Kreml NATO-nyń arasyna iritki salyp, uıymdy áskerı qımylsyz-aq joıǵysy keledi», –dep málimdegeni bar...