(sýrette Adolf Gıtler men orynbasary Rýdolf Gess)

Saıasatker, orator Adolf Gıtler gomoseksýal ári geteroseksýal bolǵan. Bul týraly 1943 jyly antropolog Genrı Fıld daıyndaǵan baıandamada jazylǵan. Baıandama búginde ortalyq barlaý agenttiginde jatqan kórinedi. Gıtlerge qatysty qupıa derekterdi brıtandyq Daily Mail basylymy jazdy. Baıandamadaǵy derekterge sáıkes:

-Gıtler tek «gomoseksýal ǵana emes, sonymen qatar geteroseksýal» bolǵan.

 -1943 jylǵy esepte Gıtlerdiń 1910-1913 jyldary ómir súrgen Vena hosteli jaıly da aıtylǵan.

-Atalmysh hostel er adamdar rahatyn qandyrý úshin baratyn mekeme bolǵan eken.

-Sonymen qatar, Gıtler orynbasary Rýdolf Gesske de seksýaldyq áreket kórsetken.

Adolf Gıtlerdiń gomoseksýalızmge qatysy bolǵandyǵy jaıly baıandama ekinshi dúnıejúzilik soǵys ýaqytynda AQSH prezıdenti Franklın D.Rýzvelt úshin daıyndaldy. Taqyryby – Gıtler «qandaı gomoseksýalıst bolsa, sondaı geteroseksýalıst».

Al orynbasary Rýdolf Gesske degen seksýaldyq áreketi jaıly baıandamanyń 70-betinde jazylǵan. Budan bólek baıandamada Gıtlerdiń ózge de qasıetteri, ómirlik ustanymdary: balalyq shaǵy, bilimi, jegen tamaǵy, tyńdaǵan ánderi, sóılegen sózi, sóıleý tehnıkasy – bári-bári qamtylǵan. Sonymen qatar Gıtlerdiń seksýaldyq beıimdiligi men 1920 jyldardyń basyndaǵy Avstrıadaǵy óz nanyn tabý úshin qara jumysqa jegilgen kúnderi jaıly da bilýge bolady.

Gıtlerdiń Venadaǵy erler jataqhanasynda turǵany jaıly budan buryn da belgili bolǵan. Jumyssyz Gıtler alǵashynda sýretshi bolýdy uıǵardy. Ákesiniń murasyn alǵan soń jataqhanadan shyǵyp, Germanıaǵa aýysady.

Baıandamadaǵy derekke sáıkes, Gıtler úsh jyl ómir súrgen «Geı-hostel» - egde er kisilerdiń jas jigitterge gomoseksýaldyq áreket kórsetý úshin baratyn arnaıy orny. Strategıalyq qyzmet basqarmasynyń baıandamasy da osy anyqtamany rastaıdy.

Gıtlerdiń jynystyq táýeldiligi jaıly aqparatty alǵashqy bolyp jaıyp salǵan Ernst Sedjvık Ganfshtengl. Ol – 1920-1930 jyldary Gıtlerdiń jaqyn dosy ári oń qoly bolǵan. Alaıda Gıtlerdiń qaharyna ushyraǵan soń Ulybrıtanıaǵa qashyp, keıin AQSH-qa prezıdent Rýzvelttiń qol astyna jumys isteýge barady.

Baıandamada málimdelgendeı, Gıtlerdiń orynbasary fúrer Gesske degen qumarlyǵy shekten tys bolǵan. Tipti onymen júrgende aınalasynda eshkimdi kórmesteı edi. Qumarlyǵy qatty bolǵany sonshalyq Gıtler merekelik baldarǵa Gesspen birge barǵan eken. Bir qyzyǵy, Gess áıeldiń kıimin kıip alyp, «Freılan Anna» degen esimmen júrgen.

Taǵy bir derek, Ganfshtengl Gıtlerdi sadomazohıst retinde de kórsetti. Sadomazohıst – seriktesimen qarym-qatynasta ózine nemese seriktesine fızıkalyq ıa moraldyq qysym kórsetý.

Baıandamasyn aıaqtaı otyryp, Fıld bylaı dep jazady: «Onyń seksýaldyq ómiri saıası kózqarasy sekildi myqty boldy. Ol gomoseksýalıst, geterosýksýal, sonymen qatar sosıalıs, ultshyl, er adam ári áıel adam».