Muryn jyraý Seńgirbekuly atyndaǵy Mańǵystaý gýmanıtarlyq kolejiniń aldynda tóbeles boldy dep jazady Qamshy.kz aqparat agenttigi lada.kz saıtynyń deregin negizge alyp. Áleýmettik jelige 11 jeltoqsanda bolǵan bir top jigitterdiń arasynda bolǵan tóbelestiń vıdeosy jarıalandy. 

Atalmysh oqıǵaǵa baılanysty kolej dırektory túsinikteme berdi. 

-"Bolǵan jaıttan keıin ata-analar jınalysy ótkizildi. Bizdiń kolejde oqıtyn bir stýdent qazir tergeýde. Onyń ata-anasymen túsindirme jumystar júrgizildi",- deıdi Mezilbek Ótebaev.

Al Mańǵystaý oblysynyń polısıa departamenti atalmysh jaıt boıynsha sotqa deıingi tergeý jumystary júrgizilip jatqanyn aıtty. 

"11 jeltoqsanda Mańǵystaý gýmanıtarlyq kolejiniń aldynda, 2-yqshamaýdanda tóbeles bolǵany anyqtaldy. 3 adam zardap shekti. Bul fakt Qazaqstan Respýblıkasy Qylmystyq kodeksiniń 106-babynyń 2-bóligi boıynsha Aqtaý polısıa bóliminde tirkeldi", - deıdi vedomstvanyń baspasóz qyzmeti.