AQSH prezıdenti Donald Tramp Túrkıa kúrdterge tıisetin bolsa, ol eldiń ekonomıkasyn kúıretetinin aıtyp eskertti. Sonymen qatar, kúrdter de Túrkıanyń jynyna tımese eken deıdi. Bul jaıynda Qamshy.kz aqparat agenttigi 5-tv.ru saıtyna silteme jasap habarlaıdy.

AQSH prezıdenti óziniń Twitter áleýmettik jelisindegi paraqshasynda bylaı dep jazady: «Sırıadan AQSH áskerlerin shyǵarý jumystaryn bastap kettik. Ara-tura ár jerdegi DAISH sodyrlaryna qarsy soqqy da jasaýdamyz. Eger olar aldaǵy ýaqytta taǵy da bas kóteretin bolsa, jaqyn jerdegi áskerı baza arqyly olarǵa toıtarys beremiz. Eger Túrkıa kúrdterge tıisetin bolsa, onyń ekonomıkasyn kúıretemiz».

Donald Tramp, sonymen qatar, kúrdter de Túrkıany ashýlandyrmaýy kerek ekenin aıtady jáne osy máselege qatysty 30 shaqyrymdyq qaýipsizdik aımaǵyn qurýdy josparlap otyr.

Senator Lındsı Gremanyń aıtýynsha, Tramp Túrkıa men kúrdtterdiń qarýly kúshteri soqtyǵysyp qalmas úshin Sırıadan áskerlerin shyǵarý jumystaryn kesheýildetken bolatyn.

Sırıadan AQSH áskerlerin shyǵaratynyn Donald Tramp ótken jyldyń 19 jeltoqsanynda málimdegen.