Zaratýshra qazirgi Oral óńirinde dúnıege kelgen. Al Isa paıǵambar (a.s.) qazaq urpaqtarynyń ókili bolǵan. Bul týraly qazaqstandyq matematık Qaırat Zakıránov málimdedi dep habarlaıdy Qamshy.kz aqparat agenttigi EADaily saıtynyń deregin negizge alyp.  Onyń aıtýynsha onyń bul tujyrymdamasyn eshqandaı tarıhshy joqqa shyǵarmaǵan.

«Bizdiń eldegi eń kóne dinı senim táńirshildik dep atalsa, Persıa elinde baıyrǵy mıfologıany eskere otyryp zaroastrızm dep atady. Ulybrıtanıadaǵy ǵylymı ataq-dańqy bar Merı Boıs óziniń eńbekterinde «Zoroastrızmniń shyǵý tegin Volganyń shyǵysyndaǵy qazaq jerinen izdeý kerek», dep jazǵan", deıdi matematık. 

Ol Zarastýstra (qazaqsha Jaratýshy) táńirshildiktiń negizi qazirgi Oral óńirinde ekenine senimdi.

"Sondaı-aq hrıstıan dinin de alyp qarastyrýǵa bolady. Men Iısýs Hrıstostyń eshqashan evreı bolmaǵan. Men muny únemi aıtyp júremin. Sondaı-aq hrıstıan dinin evreıler de, slaván qaýymy da oılap tapqan joq. Reseıdiń Krasdarsk aýmaǵynan VII ǵasyrdaǵy zelenchýk jazbasy tabylǵan. Atalmysh jazbada túrik-rýna jazýymen Isýs Hrıstos týraly jazǵan. Sondaı aq jazba arqyly Isa Paıǵambardyń alban, botpaı, dýlat nemese sýan rýlarynyń birinen taraǵan urpaq ekenin baıqaýǵa bolady. Reseılik pýblısıs Murat Adjı Isa(a.s.) jastyq shaǵyn bizdiń zamanymyzǵa deıingi alǵashqy 1000 jyldyqta Altaı aımaǵynda ótkizgenin jazǵan. Sol jyldary qazaqtyń qazirgi dýlat, botpaı, sýan jáne alban rýlary sol jaqtan qonys aýdarǵan shyǵar", — deıdi Qaırat Zakıránov.

Osydan biraz ýaqyt buryn qazaqtyń basqa ǵalymy, fılosofıa ǵylymdarynyń doktory Baǵdat Beısenov Adam ata (a.s.) men Haýa ana da qazaq bolǵan degen málimdeme jasaǵan bolatyn. Ǵalym Qazaqstan almanyń otany ekenin tilge tıek ete kele , «alma» sózi maǵynasyn «alma, ustama», degen maǵynany bildirse, «Adam» degen sóz «adamzat» degen maǵyna sáıkes keledi dep tujyrymdady.

Aýdarǵan: Ásel Bolatqyzy