Tanymal amerıkandyq pedagog, jazýshy, orator-motıvator – Deıl Karnegıdiń ómir psıhologıasyn kitaptary arqyly bile alasyz, al baqytty bolý men til tabysýdyń teorıasyn jasaǵan psıhologtyń ólimi týraly jalǵan pikirler tolyp jatyr. Qamshy.kz aqparat agenttigi oqyrman nazaryna Deıl Karnegıdiń ómiri jaıly derekterdi usynady.

Deıl Karnegıdiń sabyn satqan.

Deıl Karnegı 1888 jyly 24 qarashada Mıssýrı shtatynda kedeı sharýanyń otbasynda dúnıege kelgen. Ol – Djeıms Vılám Karnagı men Amanda Elızabet Harbısonnyń otbasyndaǵy ekinshi ul. Karnagı otbasy 1904 jyly Mıssýrıden Ýorrensbergke kóship barady. 16 jastaǵy Deıl kúndelikti tańǵy saǵat 4-te sıyr saýyp, odan keıingi ýaqytynda Ýorrensberg pedagogıkalyq kolejinen tegin bilim alyp júrgen. 1908 jyly latyn tilinen synaq tapsyrmaǵany úshin kolejden ketedi. Deıl Karnegı sol kezde pedagog bolmaımyn dep sheshim qabyldaıdy.  Biraq kolejden keıin shaǵyn qalashyqtaǵy fermerlerge arnap kýrs ótkizedi. Keıinnen sol ýaqyttaǵy tanymal Armour & Company kompanıasy úshin et, sabyn, maı sıaqty ónimderdi satýmen aınalysyp, 500 dollar qarjy jınap, óziniń ustaz bolamyn degen armanyn oryndaǵysy keledi.

Deıl Karnagı ataqty bolý úshin tegin ózgertken.

1922 jyly Deıl óziniń negizgi tegi Karnagıdi KarnEgıge aýystyrady. Bul qadamǵa ol ózin jarnamalaý úshin barǵan bolýy kerek. Sebebi, sol ýaqytta búkil jurtshylyqqa Endrú Karnegı degen ataqty mıllıonerdiń esimi tanymal bolatyn. Deıl Karnegı óz kitaptarynda da osy mıllıonerdiń ómiri men esimin mysal retinde jıi jazady.

Deıl Karnegı kınoǵa túsken.

1947 jyly rejıser Edvard Klaınnyń komedıalyq «Jiggs and Maggie in Society» atty fılminde Deıl Karnegı ózin ózi somdaıdy.

Karnegıdiń tanymal bolýyna jubaıy tikeleı áser etken

Deıl Karnegı eki ret úılengen. Onyń ekinshi jary – tabysty kásipker bolǵan. Sonyń arqasynda Karnegı kópshilikke tanylady. Áıeli Karnegıge moraldyq turǵydan da, materıaldyq jaǵynan da úlken demeý kórsetken.

Karnegıdiń qaıtys bolýy týraly qaı aqparat shyndyqqa janasady?

Ǵalamtorda Karnegıdiń ólimi týraly ártúrli jalǵan aqparattar júr. Keıbir derekterde ol óz-ózine qol jumsaǵany týraly aıtylady. Alaıda, mundaı aqparattyń taraýyna Irvıng Tresslerdiń Karnegıdiń kitabyna jazǵan parodıalyq shyǵarmasy sebep bolǵan. Shyn máninde, óz-ózine qol jumsaǵan Karnegı emes Tresslerdiń ózi bolatyn. Al Deıl Karnegı ómiriniń sońǵy ýaqytynda Hodjkın aýrýyna shaldyqqan. Bul aýrýdyń belgileri boıynsha naýqastyń ishki jáne syrtqa qurylysynda ózgerister paıda bolyp, vırýstyq bórtpeler men jótelge ulasady. Sondyqtan, mundaı aýrýǵa shaldyqqan naýqastardy basqa adamdardan oqshaýlandyrǵan. Kópshilikke tanylǵan tulǵa úshin ózgelerden tyǵylyp ómir súrý óte qıyn boldy. Syrqatynyń saldarynan kóp qınalǵan Karnegı ózin ózi atyp jiberedi. Sol ýaqytta bólek turǵan áıeli onyń ólimin kópshilikke jarıa qylmas úshin, jerleý rásimin de tek jaqyndarymen ǵana ótkizedi. Polıasıanyń esebinde de naqty derekter kórsetilmeı, ólimniń qupıasy tolyq jazylmaıdy. Árıne, kásipker áıeli Karnegıdiń ataǵyna nuqsan kelgenin qalamaǵannan ba, joq otbasylyq bıznestiń buzylýynan qoryqty ma, belgisiz?