Astanalyq jigit kóp qabatty turǵyn úıdiń tóbesine shyǵyp, óz-ózine qol jumsamaq bolǵan adamnyń ómirin saqtap qaldy dep jazady Qamshy.kz aqparat agenttigi. Ol sýısıd jasaǵysy kelgen Azatty 2 saǵat boıy oıynan aınytýǵa tyrysty.
Atalmysh oqıǵa 15 qańtarda Imanov-Jubanov kósheleriniń qıylysynda oryn alǵan. Jigit bolǵan oqıǵany vıdeoǵa túsirgen.
"Baýyrym, sekirme! Kel, sóıleseıik. Qandaı jaǵdaı boldy?" dedi astanalyq jigit. Ol ádeıi ýaqytty utymdy paıdalanyp, kóbirek sóılesýge tyrysady.
"Seniń balalaryń bar ma? Ne boldy? Saǵan ne jetpeı júr?" — dep suraqtar qoıyp, asyqpaı sóıleskisi keletinin aıtady.
♦Otbasyndaǵy qanisher: Balanyń jaqyndary ony qalaı sýısıdke deıin jetkizedi?
Al sýısıd jasamaq bolǵan Azat eki oıly kúıge túsedi. Alaıda "maǵan jaqyndasań sekiremin" dep qorqytady. Al astanalyq jigit bolsa 2 saǵat sóılesip, yńǵaıly sátti paıdalanyp ony shatyrdan túsiredi. Keıin polısıa qyzmetkerleri Azatty bólimshege alyp ketti.
"Men bul jigitpen 2 saǵat sóılesip, oıynan aınytýǵa tyrystym. Qazir polısıa qyzmetkerleri ony alyp ketti. Men búginginiń batyry atandym", — dep kúldi astanalyq jigit.
Pikir qaldyrý