Búginde Qytaıǵa qatysty qandaı derek estisek te, ońaıshylyqpen tańdana qoımaıtyn hálge jettik. Alaıda, jergilikti HAP/Quirky China News/REX atty qytaıdyń aqparattyq saıtynyń tilshileri «álemdegi eń qatty jalǵyzsyraıtyn» oqýshy týraly fotoreportaj jasaǵan eken. 2 mıllıardqa jýyq halqy bar, tyǵyzdyǵy joǵary Qytaı úshin bul shynymen de tańǵalatyn derek. Qamshy.kz aqparat agenttigi birer jyl buryn jarıalansa da, áleýmettik jelide áli kúnge halyqtyń tańdanysyn týdyratyn fotoreportajdan sýretter usynady.

Alǵashqyda mektep partasynda bar zeıinin taqtadaǵy jazýǵa aýdarǵan Hý Iang kádimgi mektep oqýshysy sıaqty kórinedi. Degenmen, ol - Qytaıdyń Fýszán provınsıasyndaǵy shaǵyn aýyldyń bastaýysh mektebindegi jalǵyz ǵana oqýshysy. 2005 jyly mektep ashylǵanda 24 synyp bolǵan. Úsh qabatty oqý orny búginde tek bir oqýshyny oqytyp jatyr. Al Hý eki muǵalimnen sabaq alady. Mıllıardtaǵan halqy bar Qytaı úshin mundaı jaıt adam sengisiz sıaqty.

Mektep oqýshysynyń sanyn eskersek, muǵalimderdiń jetispeýshiligi joq. Barlyq pánder boıynsha tek eki muǵalim sabaq beredi. Sabaq kúndelikti basqa mektepter sıaqty arnaıy kestemen ótedi.

2010 jyly mektepte 80 oqýshy bolǵan. Eki jyldan keıin tek 17 bala qalady. Sońǵy jyldary bul mektepte jalǵyz Iang oqyp júr. «Bir ǵana oqýshymyz bolsa da, sabaqty Bilim mınıstrliginiń josparyna saı kúndelikti ótkizemiz. Oqý úlgerimi jaqsy. Aldaǵy ýaqytta basqa balalar sıaqty tolyqqandy mektepke barady dep oılaımyz»,-deıdi ustazy Cheng Chısıong. Oqýshylar mektepti tastap ketken, ne bolmasa ata-analarynyń jumysyna baılanysty basqa jaqa kóship ketken. Hý Iangtyń ápkesi de mektepten ketken.

Fýszán provınsıasy Qytaıdyń ońtústik-batysynda, taýly aımaqta ornalasqan. 35 mıllıon halqy bar. Alaıda, sońǵy jyldary kóptegen turǵyndar basqa qalalarǵa tabys tabý úshin qonys aýdarǵan.. 

 Usynǵan: Baljan HALYQ