Óz ýaqytyńyzdy qalaı josparlap, kún tártibińizdi retke keltirýdi neden bastaýdy bilmeı júrsiz be? Qamshy.kz aqparat agenttigi oqyrman nazaryna az ýaqytta kóp jumys isteýge múmkindik beretin kún tártibin qurýǵa arnalǵan keńesterdi usynady.

 Mańyzdy is pen shuǵyl sharýany ajyrata bilý

Alǵa qoıǵan maqsatty durys túsiný óte mańyzdy. Jumysyńyz kúndelikti maqsatqa qurylýy tıis. Ol úshin dereý oryndalýy tıis jumys pen mańyzdy isterdi ajyratý mańyzdy. Máselen, áldekimniń aıtqan ótinishi sizdi negizgi maqsattan aýytqyp, oǵan arnaıy ýaqyt bólýge májbúrleıdi.  Eger kún tártibińizde jospardan tys sharýa paıda bolsa, onyń qanshalyqty mańyzdy ekenine qarap, kúndizgi nemese keshki ýaqytyńyzdy arnańyz.

Oıyńyzdy bóletin qubylystarǵa «tosqaýyl» qoıyńyz

Óz energıańyzdy negizgi maqsatqa arnaý – jetistikke jetýdiń negizgi joly. Sizdiń oıyńyzdy bóletin telefon qońyraýlaryn, áleýmettik jeliden keletin habarlamalardy dybyssyz rejımge únemi qoıýdy umytpańyz. Jaqyndaryńyzdan jumys barysynda mazalamaýdy surańyz. Árkez oıyńyz bólingen saıyn, isti toqtaǵan jerden qaıta bastaý úshin biraz ýaqyt qajet bolatyny belgili. Sizdiń oıyńyzdy jıi bóletin negizgi faktorlardy anyqtap, jumys ýaqytynda olardy múldem umytýǵa tyrysyńyz.

Kúnińizdi josparlańyz

Búgingi kúnińizdi sátti aıaqtaǵannan keıin, eńbek ónimdiligińizdi salystyra otyryp, kelesi kúnge kún tártibin josparlap úırenińiz. Osy arqyly kúndelikti barlyq sharýaǵa úlgerýge bolady. Ár iske qansha ýaqyt arnaıtynyńyzdy durys baǵalaǵanda, eńbek ónimdiligińiz arta túsedi. Sondaı-aq, "bul is ádetke aınalsa, barlyq sharýalaryńyzǵa úlgere almaımyn" degen  mazasyzdyqtan qutylasyz. 

1-3-5 júıesin qoldaný

Óz kún tártibińizdi qurastyra otyryp, myna júıege mán berińiz. Bir kúnge 1 mańyzdy is, 3 ortasha jumys pen 5 kishigirim sharýany josparlańyz. Alǵashqy ýaqytta osy júıe sizdiń az ýaqyt ishinde óte kóp sharýany nátıjeli oryndaýyńyzǵa múmkindik beredi.  

 Usynǵan: Baljan HALYQ