Ózin "qazaqtyń kúıeý balasymyn", dep sanaıtyn Nú-Iork qalasynyń turǵyny Stıv Rossı qazaqtyń hany Abylaı han týraly jáne qazaq júzderiniń erekshelikteri týraly biledi dep jazady Qamshy.kz aqparat agenttigi "Habar 24" saıtynyń deregin negizge alyp.
Dıana esimdi qazaqstandyq qyzben tanysqannan keıin Stıv Rossı qazaqtyń tarıhy men Qazaqstannyń mádenıetine qyzyǵa bastaıdy.
"Meniń áıelim - orta júzdiń qyzy. Men qazaqtyń úsh júzi men Abylaı han týraly kitap oqyǵanmyn. Ásirese Abylaı han týraly jaqsy bilemin. Ol naǵyz qazaq jáne tarıhı tulǵa. Sondaı-aq Qazaqstannyń prezıdenti Nursultan Nazarbaev týraly fılm kórdim, kitabyn da oqydym. Endi prezıdenttiń ózimen kózbe-kóz kezdesýdi armandap júrmin", deıdi Rossı.
Ol Qazaqstanǵa kelgen kezde mindetti túrde kitap dúkenderin aralap, qazaq tilinde aýdarmasy bar birneshe ádebı kitapty satyp alady. Keıin Nú-Iorkte bos ýaqytyn osy kitaptardy oqýǵa arnaıdy.
Onyń aıtýy boıynsha Nú-Iorkte qazaq tilinde sóıleıtin adamdar az. Bul jaıt onyń qazaq tilin úırenýine, qatesiz sóıleýine keri áserin tıgizip jatyr.
"Men qazaqtyń kúıeý balasymyn. Meniń Tımýr esimdi 10 jastaǵy ulym bar. Ózim Nú-Iorkte dúnıege kelgenmin. Al qazaqtyń mádenıeti meniń júregimde saqtalǵan. Qazaq — óte jaqsy, qonaqjaı halyq. Men Qazaqstanda 2 ret bolǵanmyn. Qazaqtyń qymyz, shubat, qýyrdaq, qazaqsha et sekildi ulttyq taǵamy maǵan qatty unady. Qazaqstandaǵy týǵan-týysqa jalyndy sálem joldaımyn", dep sózin aıaqtady Rossı.
Aýdarǵan: Ásel Bolatqyzy
