Alǵashqy orta salmaqta judyryqtasatyn qazaqstandyq kásipqoı boksshy Qanat Islam (25-0, 20 KO) aldaǵy jekpe-jegine jattyǵýdy qashan bastaıtynyn aıtty dep jazady Qamshy.kz aqparat agenttigi vesti.kz saıtynyń deregin negizge alyp. 

Munyń aldynda amerıkalyq boxrec.com saıtynda qazaqstandyq boksshynyń belsendi emes ekeni kórsetilgenine baılanysty boksshy karerasyn toqtatty ma degen suraqtar týyndaǵan. Alaıda WBO NABO jáne WBA Inter-Continental belbeýleriniń ıegeri bul aqparatty rastamady. Ol kezde qazaqstandyq boksshy naýryzda jekpe-jekke shyǵýdy josparlap otyrǵanyn aıtqan edi. Osyǵan baılanysty Qanat Islam jattyǵý lagerin bastady ma degen suraq qoıdyq. «Qazir aıaq jaraqatymdy emdeýdiń sońǵy prosedýralarynan ótip jatyrmyn. Osydan tolyq saýqqan soń, Talǵar janyndaǵy AIBA oqý-jattyǵý kesheninde daıyndyqty bastaımyn», — dedi boksshy.