Sheshenstanda 130 jastaǵy uzaq jasaǵan áje  qaıtys boldy dep jazady Qamshy.kz aqparat agenttigi ria.ru saıtynyń deregin negizge alyp. Bul týraly keıýananyń nemeresi İlıas Ábýbákirov habarlady. Koka Istambýlova eń kári áıel retinde  Gınnester rekordy kitabyna enbegen. Alaıda zeınetaqy qory Koka Istambýlovanyń 130 jasta ekenin rastady. 

Nemeresiniń aıtýy boıynsha, qart áıeldiń este saqtaý qabileti óte jaqsy bolypty. Sondaı-aq revolúsıaǵa deıingi oqıǵalardy jıi eske alyp otyrǵan. Tek sońǵy kúnderi kórý qabiletinen aıyrylyp, qolyn qozǵalta almaı qalǵan.

"Ájem densaýlyǵyna qatysty eshqandaı shaǵym aıtpady. Bizben keshki as ishken kezde áńgime aıtyp, ázildesip otyratyn. Keıin onyń jaǵdaıy kúrt tómendep, keýde tusynyń aýyryp turǵanyn aıtqan soń jedel járdem shaqyrdyq. Dárigerler ájemniń qan qysymy kóterilgenin aıtyp, dári ekti. Az ýaqyttan soń ájem o dúnıelik boldy. Esh qınalmady. Tynysh qana duǵasyn aıtyp ómirden ótti", deıdi İlıas Ábýbákirov. 

Aýdarǵan: Ásel Bolatqyzy