Qarıa qyzyn kútip, jol boıynda 10 jyl otyrǵan. Taılandtyq áskerı qyzmetker Bangkokta bolǵan bul oqıǵany Facebook-tegi paraqshasyna jarıalady.

Poramet Mısomfop jolda otyrǵan qarıany 30 qańtar sársenbi kúni baıqaǵan. Jergilikti kafelerdiń birinde shaı iship otyrǵan áskerı qyzmetker qarıany uzaq baqylady. Sóıtip ol jaıynda bilý úshin jaqyn mańdaǵy dúken satýshylarynan surastyrypty.

Osylaısha qarıanyń uzaq jyldar boıy ornynan tapjylmaı otyrǵanyn biledi. «10 jyl buryn osy jerden bir kólik óte shyqty, rólde boıjetken qyz otyrǵan edi. Ol toqtap, qarıany kólikten shyǵardy da, birnárse aıtty. Alaıda, ne aıtqany belgisiz», - dedi turǵyndardyń biri.

Boıjetken qyz qarıany sol otyrǵan jerde qaldyrǵan eken. Keıin qarıa dúken qyzmetkerine qyzy jumys isteý úshin ketkenin aıtady, sodan beri qarıa «qyzym kelgende, meni osy jerden tabady» dep senedi. Er adam qyzynyń kez kelgen ýaqytta keletinine senimdi.

«Erteńinde terezeden qarasam, áli otyr eken», - dedi dúken qyzmetkeri.

Alǵashynda eshkim mán bermegen eken, biraq qarıanyń ornynan ketpeı otyrǵany turǵyndardy alańdata bastady.  Qarıaǵa jany ashyǵan dúken qyzmetkeri kúnde tamaq ákelip turady.

Áskerı qyzmetker de qarıaǵa kómek usynyp kórdi, alaıda ol bas tartty. «Qyzym keledi, keledi, kelshi, qyzym» degennen basqa túk aıtpady. Al Mısomfop qarıanyń sýretin jelidegi paraqshasyna jarıalady. Maqsaty – qarıanyń qyzyn taýyp berý...

Usynǵan: Gúlim Jaqan