Áýesqoı bokstan álem jáne Azıa chempıony Jánibek Álimhanuly kásipqoı rıngtegi besinshi jekpe-jeginde amerıkalyq Stıven Martınesti besinshi raýndta eseńgiretip tastady. Bul bir  naǵyz aıyzdy qandyrǵan aıqas boldy. Tájirıbeli Martınes qazaq boksshysynyń san aılaly, tegeýrindi qımylyna tótep bere alǵan joq.

Taǵy bir qýanyshty jaǵdaı: Jánibek sharshy  alańǵa «Qazaq stıli» degen fýtbolkamen shyqty. Qolǵabynda da Qazaq memleketiniń terıtorıasy beınelengen. Boksshynyń bapkerleri men menedjeri Berik Sultannyń rıngke «Janibek» degen jazýy bar kıimmen shyqqany da kóńildi toǵaıtyp tastady. Berik pen Jánibek búgin mıllıondaǵan jankúıerlerge tamasha jeńis syılap qana qoıǵan joq, Qazaq eliniń jarasymdy ári utymdy jarnamasyn jalpaq dúnıege jarıa qyldy.

Al Jánibek ózinen áldeqaıda tájirıbeli Martıneske qarsy naǵyz qazaq stılindegi boks kórsetti.

Jeńis qutty bolsyn, aǵaıyn!