Bes birdeı sábıdiń ólimi eseńgiretip tastady. Oıyma on shaqty jyl burynǵy úlken qasiret túsip otyr. Astanalyq er azamat saparǵa ketip qalǵanynda búkil otbasy-kelinshegin, úsh balasyn qanisherler óltirip ketken edi. Tanymaıtyn adam bolsa da meken-jaıyn taýyp alyp, kóńil aıtýǵa bardym. Kisi qarasy kóp eken. Bir sátte qala ákimi Imanǵalı Tasmaǵanbetov bastaǵan top keldi. Jigitke qazaq saltymen kóńil aıtty. Aza tutqan azamatty Imanǵalı Tasmaǵanbetov te tanymaıdy eken. Sonan soń janyndaǵy qyzmetkerlerine qaıǵy jutqan azamatty júgirtpeı jerleý rásimderin túgeldeı uıymdastyrýdy tapsyrdy. Jurttyń kózinshe qala İİD bastyǵyna oqıǵanyń anyq-qanyǵyn jýrnalıserdi jınap, jasyrmaı aıtyp berýdi mindettedi. Sol jerde bilgenimiz-kúdik osy úımen aralasyp júrgen káris jigitine túsipti.
Rasynda da, keshkisin İİD jýrnalıserdiń basyn qosyp, káris jigitti qylmysty moıyndaǵynyn janynda bir sheshen jigiti bolǵanyn, munyń Sheshenstanǵa qashyp úlgergenin habarlady.
Ádette shet elden qylmystyny qaıtarý uzaqqa sozylatyn sharýa. Bul joly uzamaı-aq sheshen jigitti Astanaǵa alyp kelgenin kórsetti. Tergeýmen shuǵyldanǵan inishekterdi tanýshy edim. Jaı-japsaryn suradym. Eńbek Imanǵalıdiki eken. Sheshen basshysy Ramazan Qadyrovqa Imekeńniń ózi tikeleı shyǵyp, qylmyskerdi ustap berýdi talap etipti. Qashqynnyń kináli ekenine ózi kepil bolypty. Ramazan «Siz kýálikke júrseńiz, Siz ótinseńiz esh áńgime joq» dep tyǵylyp jatqan qanisherdi ustatyp, bizge tapsyrypty.
Astanadaǵy bes sábıdiń qasireti osy oqıǵany eske túsirdi. Salystyryp otyrmyn. Kim, qandaı, ózi?
Kamal Ábdirahman paraqshasynan alynǵan
Usynǵan: Ásel Bolatqyzy
