Búgin qazaqtyń  aqıyq aqyny  Muqaǵalı Maqataevtyń týǵan kúni. «Qazaqtyń kúpi kıgen qara óleńin, shekpen qylyp ózine qaıtarǵan» ataqty aqynǵa arnaý óleńder eshqashan tolas tappaq  emes.  Óıtkeni týma talant Muqaǵalı máńgilik aqyn.  Sondyqtan da oǵan qurmet eshqashan taýsylmaıdy.

Biz   osyǵan oraı  Qamshy.kz  aqparat agenttigine óz óleń -jyryn  joldaǵan oqyrmanǵa rızashylyǵymyzdy bildire otyryp, ony saıtqa   jarıalaýdy  jón dep taptyq.

***

 Muqaǵalı áraýqty ór aqynym ,

Qazaǵym júregine et jaqynym.

Óleńmen qara qyldy qaq jaratyn,

Qaıran el qasıetti bar aqynyń.

Jaryq juldyz poezıa kógindegi,

Qaıtalanbas birtýar ómirdegi.

Qapyda týyndaǵan árbir sóziń,

Tebirentpeı qoımaǵan kóńilderdi.

Máńgilik muzart shyńnyń muzbalaǵy,

Qadirińdi qas jaýyń qyzǵanady.

Syr shertip, muńyńdy aıtyp jyrlaryńa,

Qosyp eń Farızadaı qyz balany.

Dana ediń ,bar bolmysyń dara týǵan,

Jarq etip jaıdyń otyn ala týǵan.

Máńgi ólmes poezıa aspanynda,

Samǵadyń jaı ushyryp qanatyńnan.

Jyrlary jetelegen armanyna,

Qazaǵymnyń bolǵan keıde qorǵany da .

Qazaqy qara óleńge til bitirgen,

Bas ıem aıbyndy aqyn arýaǵyna!

 Sabına Qalıqyzy  Qurmanǵalıeva

Almaty oblysy,

Kerbulaq aýdany ,

Qarashoqy aýyly