13 aqpan kúni elbasy Astanada «Qazaqstannyń júz jańa esimi» jobasynyń qatysýshylarymen kezdesti. Joba aıasynda birneshe jastar toptan oza shaýyp báıge aldy. Solardyń qatarynda aqyn, Qazaqstan Jazýshylar jáne Jýrnalıser odaǵynyń múshesi Maqpal Mysa da boldy. Aqynnyń tebirene oqyǵan óleńi Elbasyn da tolqytpaı qoımady. Ótip jatqan ómir jaıly óleńin jan-tánimen oqyǵan aqyn búkil zaldy aýzyna qaratty.

Maqpal Mysanyń Elbasynyń aldynda tebirene oqyǵan óleńin nazarlaryńyzǵa usynamyz.

Qaıda meni bastaısyń, ǵaryshqa ma?

Dosqa da aıtpas syr edi, tanysqa da

Saǵynyshym, sarǵaıǵan saǵymdardaı,

Sen menen alystama!

Ottaı sharpyp ótetin jalyn ishten,

Saǵym ba ediń, sarǵaıǵan saǵynysh pa ediń?

Janaryńda jaquttaı jasyn oınap,

Baqyttyń balyn ishkem!

Tunjyrap tur tanys qyr, tanys qala,

Arna kerek alqynǵan aǵysqa da,

Ómir jaıly óleńdi men bastaıyn,

Sen menen alystama!

Túren tartqan tirishilk tur óńińde,

Bir sóz aıtyp qalsańshy júrerińde ,

Ómir zýlap barady kóz aldymda,

Óleń týlap barady júregimde.

Araı syıla sen maǵan, aı-kún usyn!

Uǵar deısiń janymdy qaı týysym.

Bul ómirge kelgenbiz bizder, bálkı,

Baqyt ánin qosylyp aıtý úshin.

Araı syıla sen maǵan, aı-kún usyn!

Uǵar deısiń janymdy qaı týysym.

Bul ómirge kelgenbiz bizder, bálkı,

Baqyt ánin qosylyp aıtý úshin.