Qul ıelenýshiler men quldar týraly qart tarıhtan (qul ıelený ejelgi Mysyr jerinde bastaý alady)  nemese osy zamanǵy quldyq túrlerin, atap aıtqanda, tán saýdasy, májbúrlep jumysqa jegý, eńbegin qanaý, t.b. sekildi aqparattardy oqyp bilgenińiz bolmasa... áli kúnge eskiniń sarqynshaǵyndaı bolǵan, tipti, kelmeske ketken, umytylǵan qul ıelenýshilikke álem boıynsha ótken ǵasyrda (1981 jyly) jáne 2007 jyly taǵy bir márte resmı tyıym salynǵanyna qaramastan, Mavrıtanıada quldyq órken jaıǵan. Tikeleı maǵynasynda.

"Haratınder" dep atalatyn quldar atadan balaǵa muraǵa qaldyrylady. Atalǵan eldegi quldar túrli aýyr jumysqa jegiledi: úı turǵyzady, egistik alqabynda, t.b. Bul eldegi halyqtyń shamamen 20%-y, ıaǵnı, 600 myń adam quldyqta ómir súredi.Bul eldegi quldyq tarıhy tym tereńde jatyr - 1300 jyl. Álem qaýymdastyǵy atalǵan el bıligin adam quqyǵyn saqtaýǵa shaqyryp, quldyqty joıýdy talap etkenimen zańdy aınalyp ótetinder haratınderge "qulsyń" dep aıtpaýdy úırengen.

Tipti, Mavrıtanıada haratınderdiń bas azattyǵy úshin kúresip júrgen birneshe qoǵamdyq uıymdardyń ózi dármensizdik tanytýda. Óıtkeni, bılikti qolyna alǵan qojaıyny tegin jumysshy kúshinen aıyrylǵysy kelmeıdi. Bir quldyń ózi qojaıynyna kúnine 15 dollar paıda túsiredi. Bul jergilikti ólshem boıynsha úlken tabys sanalady.

Eger quldyń otbasynda bala dúnıege kelse, ol da avtomatty túrde óz erki ózinde emes qul sanalady. Iaǵnı, qojaıynnyń menshiginde. Haratınderdi qojaıyndary sata alady, syılaı alady, qalyńdyqtyń qalyńmaly retinde beredi.

Nege ekeni belgisiz, súıekterine tańbaquldyq qasıet sińip ketken haratınderdiń ózi bas bostandyǵy úshin kúrespeıdi. Óıtkeni, kedeı el, barar jeri, basar taýy joq. Ashtan qatýy múmkin. 

Derekkóz: islam.kz

Usynǵan: Gúlim Jaqan