Prezıdentterdiń jeke ómiri kim-kimdi bolsa da qyzyqtyrary anyq. Qaıda turady, qaıdan kıinedi, qandaı sportpen shuǵyldanady? Al bul joly prezıdentterdiń qalaı tamaqtanatyny týraly aıtaıyq... Siz de olardy tek qara ýyldyryq jeıdi dep oılaısyz ba?

Máselen, Donald Tramp býrger men kartoptan jasalǵan frıdi jeı beredi. Al súıikti taǵamy – bekonmen qýyrylǵan jumyrtqa.

KHDR basshysy Kım Chen Yn Shveısarıanyń ulttyq Emmental atty irimshigin súıip jeıdi eken. Alaıda maıly bolǵandyqtan salmaq qospas úshin az-azdan jeýine týra keledi.

Sonymen qatar akýladan jasalǵan sorpany da jaqsy kóredi eken.

Germanıa kansleri Angela Merkel tamaqtardy óz qolymen ázirlegendi jaqsy kóredi. Merkeldiń eń súıikti taǵamy – kartoptan ári frıkadelkadan jasalǵan sorpa.

Rojdestvo kúni mindetti túrde peshte úırek jasaıdy.

Elızaveta patshaıym teńiz ónimderin súıip jeıdi. Patshaıymnyń tańy qara shaıdan bastalady, qant ta qospaıdy. Sonymen qatar jemis-jıdekten jasalǵan qaýyz ben jumyrtqa jeıdi.

Al túski asqa balyq nemese taýyq jeıdi. Anda-sanda sendvıch pen shaıdy da jón kóredi. Keshki asqa sıyr eti, qyrǵaýyl eti nemese balyq jeıdi.

Buǵan qosa patshaıym táttini de erekshe jaqsy kóredi.

Fransıa lıderi Emmanýel Makronnyń súıikti taǵamy – kordon blú. Ol – buzaý eti, irimshik jáne vechına qosylǵan shnısel.

Makronnyń taǵamyna áıeli asa mán beredi. Ol ústelge túrli shujyqtar men konservilengen ónimderdi qoıýǵa tyıym salǵan.

Kanadanyń premer-mınıstri Djastın Trúdo syra iship, gambýrger jegendi jaqsy kóredi. Kofe ishkendi jaqtyrmaıdy eken.

Stýdenttik shaǵynda kofeni kóp ishkeni sonshalyq túnimen uıyqtaı almaı shyqqan, sodan beri bas tartypty.

Reseı prezıdenti Vladımır Pýtınniń as máziri qarapaıym. Balyq jegendi jón kóredi, alaıda qoı etinen de bas tartpaıdy. Balmuzdaqty súıip jeıdi. Ár elge barǵan saıyn ulttyq taǵamdarynan mindetti túrde dám tatyp ketedi. Al sýsyndardan kók shaıdy jaqsy kóredi.

Belarýs basshysy Aleksandr Lýkashenkonyń súıikti asy – enesi daıyndaıtyn drankıter eken. Buǵan qosa qara nan, balyq, jemis-jıdek pen tátti sýsyndardy jaqsy kóredi. Balmuzdaqtan da bas tartpaıdy.

Moldova prezıdenti Igor Dodon óz eliniń ulttyq taǵamdaryn súıip jeıdi. Eń qatty jaqsy kóretin asy – moldavan sorpasy.

Taǵy bir súıikti asy – áıeli jıi daıyndaıtyn shoshqanyń moınyna ázirlenetin frıptýre. Bul taǵam Moldavanyń dastarhandarynyń sáni.

Ýkraına basshysy Petr Poroshenkonyń súıikti taǵamy – qaraqumyqtan jasalǵan botqa men kotlet. Bir suhbatynda prezıdent áıeli Marına jasaǵan barlyq taǵamdy súıip jeıtinin aıtqan.

 Al Elbasy Nursultan Nazarbaev botqa jegendi jaqsy kóredi eken. Ásirese suly jarmasy men gerkýlesten jasalǵan botqany jıi jeıdi. Túski asqa qarapaıym sorpa ishedi, alaıda Nursultan Nazarbaevtyń súıikti asy – kespe.

Keshki asqa jeńil taǵamdardy jegendi jón kóredi. Ásirese balyq jegendi jaqsy kóredi.

Tájik basshysy Emomalı Rahmon qarapaıym tamaqtanǵandy jaqsy kóredi. Súıikti taǵamy – palaý. Sýsyndardan kók shaıda jaqsy kóredi. Eshqandaı ereksheligi joq.