Eki jarym jyldan asa úkimet basshysy qyzmetin atqarǵan Baqytjan Saǵyntaev Elbasynyń úkimet múshelerin otstavkaǵa jiberý týraly málimdemesinen keıin, alǵys aıtyp beıneúndeý joldady. Qamshy.kz aqparat agenttigi  eks-premerdiń beıneúndeýin oqyrman nazaryna usynady.

"Búgin Úkimet otstavkaǵa ketti.

Táýelsiz Qazaqstan memleketiniń negizin qalap, búgingi bıikterge jetkizgen Elbasy halqynyń ósip-órkendeýin árqashan eń basty qaǵıda retinde ustanyp, árbir sheshimin memleket pen halyqtyń múddesi turǵysynan qabyldap keledi. Memleket qurý ońaı jumys emes. Jas memleketti túrli qaıshylyqtar men qaqtyǵystardan aman alyp ótip, tarıhı ólshemmen alǵanda tym qysqa merzimde osyndaı abyroıly El etý shyn máninde sheksiz qurmetke laıyq. Elbasy - elimizdiń san myń jyldyq tarıhyndaǵy eń jaýapty kezeńde halqymyzdyń baǵyna bergen uly da jasampaz tulǵasy. Sol sebepti, halqymyz baıandy búgini men jarqyn bolashaǵyn tek qana Elbasynyń esimimen baılanystyrady. Ótken eki jarym jyl boıy Úkimet tizginin tapsyryp, joǵary senim bildirgeni úshin Elbasy Nursultan Ábishuly Nazarbaevqa shynaıy alǵysymdy bildiremin.