Baıqaǵanym, sońǵy kezde halyq qatty ózgerdi, úreı artty. Qazaqtildiler sózsiz kópshilikke aınaldy, jastar kóbeıdi, al olarǵa jumys pen baspana 2030, 2050 jyldary emes, dál qazir kerek bolyp tur.
Jas, qazaqtildi halqynyń kóńilinen shyǵý úshin jańa Úkimette máńgúrtter azdaý bolýy kerek. Múldem bolmasa, tipti jaqsy. Óıtkeni qarapaıym halyqpen qazaqtildi mınıstrler ǵana til tabysa alady, basqalar halyqtyń ashýyn keltiredi. Óz oıym.
Qaı salalar halyqty eń kóp yzalandyrdy?
Menińshe, birinshiden, bilim salasy - úsh tuǵyrly til, mekteptegi dalbasa reforma, balabaqshalardyń joqtyǵy. Sondyqtan jańa Úkimette Erlan Saǵadıev myrza qala berse, túbi jaqsylyqqa aparmaıdy.
Ekinshiden, áleýmettiń aýyr háli halqymyzǵa qatty tıip tur. Madına Ábylqasymova hanymnyń 16 myń týraly sózi halyqty qatty renjitti. Ol da ornynan mindetti túrde ketýi kerek dep sanaımyn.
Al endi halyqtyń arasynda júrgen saýatty adamdar Úkimetke shaqyrylsa, tipti jaqsy bolar edi. Biraq ol ertegi, arman ǵoı.
Búgingi krızıske Parlamenttiń, maslıhattardyń da kinási bar dep esepteımin. Halyqtan baıaǵyda qatty alystandy. Endi 20-30 jyl otyr ǵoı depýtat bolyp! Tipti Kolbın úshin daýystaryn bergender bar arasynda... Keıbir depýtattar ábden sharshady, depýtat bolyp qartaıdy. Májilistiń 30%-y resmı zeınetkerler, al ne deısiń, ne suraısyń olardan? Zeınetker úıi bolyp ketti ǵoı Parlamentimiz....
Elimizge kóp reforma kerek, áıtpese odan da jaman krızıske batyp ketetin túrimiz bar....
Muhtar Taıjannyń Facebook paraqshasynan
Usynǵan: Gúlim Jaqan
