Sonymen, Úkimet otstavkaǵa ketti. Bul Qazaqstannyń, eger qatelespesem, 10-úkimeti. Shyny kerek, Úkimettiń jumysy keremet boldy dep aıtýǵa aýyz barmaıdy. Osy Úkimettiń tusynda, elimizde qanshama baǵdarlama qabyldandy, qanshama strategıalyq sheshimder iske asyryldy. Biraq, osynaý sheshimder halyqtyń ál-aýqatyna oń áser ete almady. Ana men balanyń máselesi múldemge ýshyǵyp ketkendigin, kóptegen mınıstrler bilmegen de. Iaǵnı, qoǵamnan alshaqtap ketken mınıstrler...

Mınıstrler Kabınetiniń adamı, rýhanı-áleýmettik kelbeti halyq aldynda kómeskilene berdi.
Elden alshaq, halyqtan bólek top tárizdi bolyp ketti. Instıtýsıonaldyq reforma, Konstıtýsıalyq reformalar is júzine asyrylyp, Úkimettiń quzyry keńeıtilse de, sol quzyrdy paıdalanýǵa qorqatyn kórinedi, bul Úkimet. Jaýapkershilikti ózine júkteý, kúrmelengen máselelerdi tvorchestvolyq ádispen sheshý jaǵynan múldem qadam joq.

Halyq arasyna baryp, elmen sóılesip, aýyl-aımaqtardyń tynys-tirshiligin saraptaý óńimiz turmaq, túsimizde de joq. Sondyqtan, Úkimettiń ketýi logıkalyq turǵydan durys sheshim. Bul Úkimet tarıhta "ana men bala daǵdarysy", "áıelder ketirgen Úkimet" dep qalatyn bolar...

Erlan Saırovtyń feısbýk paraqshasynan

Usynǵan: Ásel Bolatqyzy