Jańa QR 15- Bilim jáne ǵylym mınıstri týraly oıymdy surap jatyr, bárine osy jerde birden jaýap bere salaıyn.

Kúlásh Shámshıdınova apamyzdyń oryntaǵyna qutty bolsyn aıtamyz. İsine sáttilik tileımiz. Al endi osy taǵaıyndaýǵa óz kózqarasym:

Birinshiden, jalpy óte sátti taǵaıyndaý. Onyń sebebi, bul kisi qarapaıym muǵalim, mektep dırektory, bilim basqarmasy basshysynan bastap bilim salasyndaǵy barlyq laýazymda otyrǵan, vıse - mınıstr de bolǵan, bul salada tájirıbesi jetkilikti, bilimdi, taza qazaq tildi adam.

Ekinshiden, qazirgi reforma bastaýy Nazarbaev zıatkerlik mektepteri júıesinen alynǵan. Al, jańa mınıstr Nazarbaev zıatkerlik mektepteriniń qurýshysy, dırektorlar keńesiniń tóraıymy. Sondyqtan Aslan Sárinjıpov bastap, Erlan Saǵadıev bylyqtyryp ketken reforma sońyna deıin barady. Reforma toqtaıdy, - dep qýanbańyzdar, múlde oılamaı-aq qoıýǵa tolyq negiz bar.

Úshinshiden, apamyz bir aptadan soń 4 naýryzda 61 jasqa tolady. Iaǵnı, ol kisi zeınetker. Onyń ústine zań boıynsha kelesi jyly prezıdent saılaýy, prezıdent saılaýynan soń úkimet qaıta doǵarysqa ketip, jańadan jasaqtalady. Sondyqtan, on besinshi mınıstr bul orynda uzaq otyrady dep aıta almaımyn. Saǵadıevke deıingi 13 mınıstr sekildi eń uzaǵynda bir jarym jyldan soń shynymen zeınetke ketedi.

Tórtinshiden, bilim salasyndaǵy sońǵy reformanyń naqtyraq aıtqanda, 2016-2021 jyldarǵa arnalǵan bilim reformasynyń sońǵy eki jyly ǵana qaldy, al jańa mınıstr sol reformanyń basynda turǵan adam retinde sońǵy núktesin qoıýǵa keldi degen oıdamyn.

Jalpy oıym osy. Tileıtinim, Nazarbaev zıatkerlik mektepteri baǵdarlamasy tolyq enetindikten, Nazarbaev zıatkerlik mektepteriniń jabdyqtalýy, muǵalimderiniń jalaqysy, materıaldyq múmkindikteri tolyǵymen barlyq mektepterge jasalsa, soǵan jańa mınıstr kúsh salsa eken.

Sonymen birge "Pedagog mártebesi" týraly zańdy tolyq, sapaly etip bekitip ketse eken, Elbasy tapsyrmasy orta jolda qalmaıdy, - dep senemin.

A, aıtpaqshy, jańa mınıstrge jalǵyz jaqyndyǵym bar, ol kisi de men sekildi – hımık.

Jańa mınıstrge sáttilik tileımin! Elimizdiń bilim, ǵylym salasy damı bersin!

Aıatjan Ahmetjanuly Instagram paraqshasynan.