Astanadaǵy kópbalaly otbasynyń qaıǵyly jaǵdaıy kúlli qazaq elin jylatqan edi. Qarapaıym halyq pen birge óner adamdary da buǵan beı-jaı qaraı almady.

Kúni keshe ánshi Baǵlan Ábdiraıymov óziniń ınstagram paraqshasynda ózge áriptesterine de, qazaq jigitterine de úlgi bolsyn nıetpen dosymen birge kópbalaly otbasyna barǵan sýreti men jazbasyn salǵan eken.

"Búgin, Syrym dos ekeýmiz İle aýdanyny, Qýat eldi mekeni, Ashkeev 25 - ýı, (GRES) bes balaly otbasyǵa arnaıy baryp keldik. Óte nashar jerde ómir súrip jatqanyn kórip, kózben kórgen jón dep sanadyq. "Barmaǵan jerim, baspaǵan taýym joq, jaǵýǵa kómir, jeýge nan joq" degen soń, shydamadym.

Bir-eki dostaryma aıtyp edim, qoldan kelgen qarajatty salyp jiberipti. /Alla razy bolsyn! Úıip - tógip ýáde bermesek te azdap qarajat jaǵyn berdik. Páter aqysyn bizdi kútkendeı, egesi de kele qaldy. Otaǵasy kórshi eldiń adamy bolǵan soń /qazaq/ KZ eliniń azamattyǵyn ala almapty. Qysta kólik jýatyn jerde, jazda qurylysta jumys jasaıdy eken. Ózimen jolyǵa almadyq. Jumys jasap, aqsha tabý úshin úsh - tórt kúnde bir keletin kórinedi. Qazbalap suraýǵa uıaldyq.

Turmysy nashar, kóp balaly otbasy kóp kórinedi. Átteń, qoldan kelse, kómekteskiń- aq keledi. Aldaǵy ýaqytta ákimdikke kirip, jer surasaq degen nıettemiz! Jer alǵan jaǵdaıda ýı turǵyzyp berý oıda bar.

Áýeli Alla, sosyn siz ben biz asarlatyp jibersek, baspanaly bolyp qalady. Balaqaılar súıkimdi, pysyq. Eń bastysy, denderi saý. Anasy Astanada bolǵan jaǵdaıdan soń jaldamaly jumystan bas tartyp, bala - shaǵasynyń qasynda otyr. Eki bala mektepte oqıdy. Eki balany jergilikti balabaqsha tegin qabyldapty. Besinshisi –emizýli. Sońǵy súrette óz kartochkasy bar.

Alla razylyǵy úshin járdem berseńizder, saýaptan bolsyn! Qazaqtyń qaısar qyzdary qaıyrymdylyq jasap, erlik tanytyp jatyr. Jigitter qarap qalmaıyq, uıat bolady!" (orfogr.saqtalǵan) dep jazǵan Baǵlan Ábdiraıymov jazbasynyń sońyna atalmysh otbasynyń jeke rekvızıtterin de qaldyrypty.

"Jaraısyń!", "Estafeta jalǵasa bersin!", "Alla razy bolsyn!", "Basqalarǵa úlgi bolsyn!"... degen syndy jaǵymdy pikirlerdi aıamaı úıip-tókken eken oqyrmandary. 

Álbette, mundaı ıgi iske nege rıza bolmasqa! Bárin berýshi de Alla, Alýshy da Alla! Allasyn aýzynan tastamaı, sadaqasyn berip, ıgi is jasap júretin óner adamdarynyń ónerimen qosa azamattyǵyn kórgende tánti bolmaý múmkin emes. 

Usynǵan: Maqpal Sembaı