Elimizdegi aralas erejesiz jekpe-jek arlany Qýat Naıman Hamıtovtyń kelesi jekpe-jegi 26-sáýir kúni Máskeý qalasynda ótetin boldy. Bul týraly Naıman óziniń ınstagram paraqshasynda jarıalady.

Eki sportshy da jeńil salmaqta (70 kg.) óner kórsetedi. Qarsylas Ázerbaıjan eliniń sportshysy – Narıman Abbasov. Bul joly qarsylastar FIGHT NIGHTS GLOBAL beldigine  talasatyn bolady. Ázerbaıjan sportshysy Narıman Abbasov osy ýaqytqa deıin 20 kezdesý ótkizip, onyń 3-eýinde jeńiliske ushyraǵan.

Qazirgi tańda qazaq sportshysy Qýat Naıman Taıland elinde jattyǵý jumystaryn júrgizip, básekege qyzý daıyndyq ústinde.

Esterińizge sala keteıik, 2017 jyldyń qarasha aıynda Qýat Naıman ırlandıalyq  ataqty Makgregor Konordyń sparrıng seriktesi Pıter Kýıllımen kezdesip jeńiske jetkeni belgili. Biraq artynan bul taıtalasty qaıta qaraǵan Reseı MMA Odaǵynyń táýelsiz apelásıalyq komısıasy Naımannyń jeńisin joqqa shyǵardy. Komısıa "esep teń aıaqtaldy" degen sheshim shyǵardy.