Astana qalasynda Nursultan Nazarbaev tóraǵalyǵymen "Nur Otan" partıasynyń XVIII sezi ótti. Elbasy óz sózinde kóp balaly otbasylardyń járdemaqysyn árbir balaǵa 21 myń teńgege jetkizýdi tapsyrdy. Alaıda, mundaı járdemaqy barlyq otbasyǵa berilmeıdi, al kóp balaly otbasy bolýy úshin - keminde úıde 4 bala bolýy kerek eken. Osyǵan oraı jýrnalıs Sáýle Ábildahanqyzy óziniń Facebook paraqshasynda jazba jarıalady, dep jazady Qamshy.kz aqparat agenttigi.

"Mende kóp bala joq. Kópten beri bala da joq...
Biraq... bes tıyn qosa salaıyn... Kóp bala jaqsy, biraq... "kóp bala" degenniń neshe bala ekenin bile almaı otyrmyn. Eger tórt bala bolsa- kóp bala, úsh bala- ne bala?)))
Menińshe, bir bala bolsa da- bala! Nege Úkimet bala 1 jasqa tolǵansha ǵana járdemaqy tóleıdi de, toqtatady? I prı etom, baıaǵy sábet kezindegideı ıaslı degen joq. Balasyn tastap ketip, órtep, qýyryp alyp, tunshyqtyryp, etajdan qulatyp alyp jatqandar- osylar emes pe?
"Órteý" men "etajdan qulaýdy" túsindińizder, al meniń jýrnalısik tájirıbemde... bir jasar balasyn úıge tastap ketip, ol basyna selofan qalta kıip alyp, sheshe almaı tunshyǵyp qalǵany bar. Bir jasar balasyn tastaıtyn jer tappaı... arqasyna salyp alyp, bir sadaqada baýyrsaq qýyryp turǵanda... bala basynan asyp ketip... qazandaǵy maıǵa qýyrylǵany... Sumdyq pa? Sumdyq!
Bir jasar balasyn belinen baılap ketip... jumysqa ketip... ana bala úıdiń sákisinen eńbektep túsip ketip... belinen baılaǵan tuzaq moınyna ilinip... asylyp qalǵany she? 
Keshirińder! Biraq bir bala da- bala! Nechego... tórt bala týǵansha kútip... "
Shara Turmaǵambetova" - deıdi jýrnalıs Sáýle Ábildahanqyzy.

Usynǵan: Nazerke Labıhan