Búgingi tańda memleketimiz Qazaqstandyq kásipkerlerdiń múddelerin syrtqy naryqtarda belsendi túrde damytýdy kózdep otyr. Osyǵan oraı, josparly túrde kórshiles eldermen saýda qatynasyn jyl saıyn arttyryp keledi.  Qazaqstan eksportynyń aıtarlyqtaı úlken úlesin búginde Reseı naryǵy qurap otyr. Basty sebep, eki eldiń aradaǵy dostyq qatynasynan bólek, geografıalyq ornalasýy men tutynýshylar talǵamynyń sáıkestigi. Sonymen qatar, eki eldiń kedendik odaq aıasyndaǵy kóptegen jeńildetilgen prosedýralary da úlesin tıgizýde.

Qazirgi ýaqytta Reseı Federasıasyndaǵy eksporttaýshylar sany 1,232 kompanıany qurasa, Qazaqstan men Reseıdiń birlesip tirkelgen kásiporyndar sany 14 myńǵa jýyq. Sonymen qatar, Reseı memleketi Qazaqstandaǵy taýar aınalymynyń aldyńǵy orynynda (15 988.1 mıllıon AQSH dollary) tur.

Osyǵan oraı, Qazaqstannyń syrtqy saýda palatasy kásipkerlerdi Chelábınsk qalasynda ótetin saýda-ekonomıkalyq mısıaǵa qatysýǵa shaqyrady.

Shara bıylǵy jyldyń 27-28 naýryzyna josparlanyp otyr.

Mundaı saýda-sattyq mısıa eki el arasynda osymen ekinshi ret ótkizilgeli otyr. Bul – eki el arasyndaǵy yntymaqtastyq pen nyǵaıǵan iskerlik qatynastyń birden bir dáleli.

İs-sharanyń negizgi maqsaty – tikeleı qarym-qatynastardy retteý, qazaqstandyq kásiporyndar men yqtımal satyp alýshylar arasyndaǵy saýda qatynastaryn jandandyrý jáne ekijaqty kezdesýler ótkizý.

Qatysý úshin kelesi tirkeý formasyn toltyrý qajet:https://docs.google.com/a/atameken.kz/forms/d/1YtSVALtpgZVr82cTYKnk2MjgUKg3jnN1zxDzBABwlls/edit?usp=forms_home&ths=true

Qosymsha suraqtar boıynsha: +7(7172) 279 054 (ishki nomer 201) Abdrahmanov Abaı, e-mail: ab.abdrakhmanov@atameken.kz