Aıdyń kúnniń amanynda qaıda ómir súrip jatqanyn uymtqan báz bireýler Stalındy qaıta tiriltbek bolǵan edi. Túrkistan qalasy mańynda ornalasqan Eski Iqan aýylynda jel qulatyp ketken Stalınnyń eskertkishin aýyl turǵyndarynyń qaıta turǵyzǵany barsha qazaqtyń ashý-yzasyn týdyrǵan edi. Búgin sol eskertkishti qaıta buzyp jatqanyn túsirgen sýrettermen feızbýk qoldanýshylary shúıinshi surady. Qazaq elinde, qazaq jerinde ultymyzǵa genasıd jasap, 4 mıllıon adamdy qyrǵan Stalın sıaqtylarǵa eshqandaı oryn joqtyǵyn qazaq qoǵamy taǵy bir dáleldedi. Qazaqtyń ór uldary men rýhty qyzdary namysymyzdy taptamaq bolǵandarǵa der kezinde laıyqty qarsylyq tanyta aldy. «Endi Alashty eshkimniń qorlaýyna bermeımiz» deıtin qazaqtar barda tarıhymyzǵa eshkim tas atpaıdy.

Turdybek Qurmethan