Osylaısha, qazaqstandyq sportshy kásipqoı bokstaǵy altynshy jeńisine qol jetkizdi. Qazaqstandyq boksshy Danıar Eleýsinov (5-0, 3 KO) AQSH-ta kásipqoı rıngte altynshy jekpe-jegin ótkizdi, dep habarlaıdy Qamshy.kz aqparat agenttigi Sports.kz saıtyna silteme jasap. 

Otandasymyz Fıladelfıadaǵy (AQSH, Pensılvanıa shtaty) Liacouras Center arenasynda ótken boks keshinde judyryqtasty. Eleýsinov jartylaı orta salmaqta 36 jastaǵy meksıkalyq Sılverıo Ortıspen (37-23, 18 KO) qolǵap túıistirdi.Segiz raýndtyq jekpe-jek sońyna deıin sozyldy. Eleýsinov qarsylasyn tóreshilerdiń sheshimi boıynsha upaı sanymen jeńdi.

Osylaısha, qazaqstandyq sportshy kásipqoı bokstaǵy altynshy jeńisine qol jetkizip otyr, onyń úsheýi – nokaýtpen. Al Ortıs úshin bul sporttyq mansabyndaǵy 24-shi jeńilis.

Eleýsinov kásipqoı rıngke alǵash ret ótken jyldyń sáýirinde shyqqan bolatyn.

Usynǵan: Maqpal Sembaı