Nıderlandtaǵy Ýtreht qalasynda jolda ketip bara jatqan tramvaıǵa belgisiz bireý oq atqan. Oqıǵa 18 naýryzda boldy. AFP fransýzdyq basylymynyń málimetinshe, birneshe adam jaralandy, bir adam qaıtys boldy.

Oq atqan adam oqıǵa ornynan izin sýytyp úlgerdi. Alaıda kóp uzamaı qylmysker ustaldy. Anyqtalǵandaı jolaýshylarǵa oq atqan 37 jastaǵy Túrkıa týmasy – Gekman Tanıs. Bul týraly jýrnalıserge jergilikti polısıa basshysy Rob van Bree habarlaǵan. Gekman Tanıstiń qaı jerde tutqyndalǵany ázirge belgisiz.

Oq jergilikti ýaqytpen sanaǵanda 10:45-te qalanyń ońtústigindegi 24oktoberplein aıaldamasynda atylǵan. Polısıa oqıǵany «terakt bolýy múmkin» dep boljap otyr, alaıda resmı derek naqtylanbady.

Utrecht Internet Courant (DUIC) basylymy oqıǵa ornyna vıdeo jarıalady.

«Qandaı da bir sebebi boldy ma, bilmedim. Jaralanǵan birneshe adamdy kórdim, tramvaıdyń ishinde de, syrtynda da...», - dedi kýágerdiń biri.

Kelesi bir kýágerdiń aıtqany  NOS arnasy jarıalady: «Tramvaıdan jaralanǵan áıel atyp shyqty, keýdesi, qoly, kıimi qanǵa boıalǵan, qulap tústi. Men ony kóligime ákelip, kómektespek boldym. Polısıa kelgende, es-tússiz jatqan».

Qazirgi ýaqytta oqıǵa ornynda tergeý júrgizilip jatyr. Mektepterdiń esigi jabylyp, adamdarǵa kóshege shyqpaýǵa keńes berildi.

Qylmysker týraly...

Ýtreht qalasynyń quqyq qorǵaý organy Tvıtterde shabýyl jasaǵan adamnyń sýretin jarıalady.

Ol budan buryn da birneshe márte ustalǵan kórinedi. Jergilikti bıznesmen Bı-bı -sı tilshisine Gekmannyń IGIL terorıstik uıymyna qatysy bolǵandyǵyn aıtty. Sol úshin polısıa ony ustap, kóp uzamaı bosatyp jibergen.

Daıyndaǵan: Gúlim Jaqan