Qazaqstan arýy -2013″ ataǵyn jeńip alǵan Aıdaı Isaevanyń júregin jaýlaǵan seriniń esimin 31 arna jarıalady.
25 jastaǵy arýdyń tańdaýy 30 jastaǵy konsaltıńtik kompanıanyń bas dırektory Maqsat esimdi jigitke túsken. Olar osydan úsh jyl buryn tanysqan eken. Aıdaı meıramhanalardyń birinde dostarymen oqý semestrin sátti aıaqtaǵanyn atap ótip jatady. Sol keshte qarsy ústelde otyrǵan jigit ony unatyp, tanysýǵa bel býǵan.
Osylaısha, tanystyqtary mahabbatqa ulasqan qos ǵashyq sáýir aıynyń sońynda otbasyn qurýdy josparlaıdy. Sóıtip, Almatydaǵy meıramhanalardyń birin tańdap, úılený toılaryn dúbirletip atap ótedi. Toıǵa eki jastyń ata-analary men dostary, áriptesteri jınalǵan.
Derekkóz: 31 kanal
