Elbasy Nursultan Nazarbaev Qazaqstan halqyna arnaǵan Joldaýynda ekonomıkany ártaraptandyrý - tabys kilti ekenin atap kórsetken bolatyn. Ártaraptandyrýdyń ózegi - kásipkerlik. Ekonomıkany jańǵyrtýdyń qozǵaýshy kúshi de kásipkerler. Sondyqtan, álemniń kóptegen elderindegi sıaqty, Qazaqstanda da jańa ıdeıalardyń qaınar kózi ispettes kásipkerlikti damytýdy yntalandyrý isine aıryqsha mańyz berilip otyr. Onyń ishinde áıelder kásipkerliginiń damýy qoǵam úshin mańyzdy. Áıelder kásipkerligi básekeles naryqtyq ortany qurýǵa mumkindik týǵyzady, taýarlar jáne qyzmettermen naryqty qanyqtyrady, suranystyń ózgeristerine ıkemdi jaýap qaıtarady, táýekeldi jobalar men jańalyqtar engizedi, sondaı-aq mamandardy, kapıtaldy, negizgi jáne qosymsha materıaldardy tolyqtyrý kózi bolyp tabylady. Áıelder kásipkerliginiń damýy eńbekke qabiletti halyqtyń jumyspen qamtylý deńgeıin kóterýge jáne olardyń ómir súrý sapasyn arttyrýǵa óz septigin tıgizedi. Osyndaı keleli máseleni talqylaıtyn taǵy bir jıyn OQO-da ótti. Sozaq aýdanynyń ákimi A. Aımurzaev pen aýdandyq máslıhattyń hatshysy M. Isaev osy ólkede túrli salada qyzmet etip, jetistikterge jetip júrgen isker áıelderdi qabyldady Qabyldaý barysynda qyz kelinshekter aldaǵy atqaratyn jumystary týraly aıtyp, josparlarymen bólisti. Máselen Láılá Ystybaeva qyz kelinshekterga arnalǵan saýyqtyrý ortalyǵyn salýdy josparlap otyrǵanyn aıtsa, Gúlnur Baıjigitova balabaqsha ashqysy keledi eken. Taǵy biri tátti taǵamdar ázirleıtin kondıterlik seh ashyp, qazirgi ýaqytta ónimdiligin kóbeıtý baǵytynda jumystar atqaryp jatqanyn aıtty. Aýdan ákimi joqtan bar jasap, qoǵamnyń damýyna úlesin qosyp júrgen qyz kelinshekterdi alda kele jatqan merekelerimen quttyqtap, óz isin ashyp, kásibin damytamyn degen qyz-kelinshekterge memleket tarapynan qoldaý bolady, – deıdi.