Vladımır Pýtın Nursultan Nazarbaevqa jemisti yntymaqtastyq úshin alǵysyn bildirip, sáttilik tiledi, dep jazady Qamshy.kz aqparat agenttigi  Sputnik Qazaqstan saıtynyń deregine súıenip.

Reseı prezıdenti Vladımır Pýtın Nursultan Nazarbaevtyń prezıdenttik ókilettigin toqtatý týraly sheshimine qatysty oıyn búgin RF úkimetiniń kezekti otyrysyn ashý kezinde aıtty.

"Muragerlik jaǵynan másele týyndamaıdy dep úmittenemiz. Qalaı degenmen de, Nazarbaev joǵary qyzmetin tastap ketip barady, sondyqtan oǵan ózara yntymaqtastyq úshin alǵys aıtyp, sáttilik tileýimizge ábden negiz bar", - dedi Pýtın.

Bul málimdemeni jınalǵandar maquldap, dý qol shapalaq soqty.

Budan bólek, ol Qazaqstanmen aradaǵy yntymaqtastyqty joǵary deńgeıde qoldaý úshin Reseı jaǵy baryn salyp, atsalysatynyn atap ótti.

Aıta ketsek, 19 naýryzda Qazaqstannyń tuńǵysh prezıdenti Nursultan Nazarbaev halqyna jasaǵan úndeýinde memleket basshysy retinde ókilettigin merziminen buryn toqtatynyn málimdedi.

Usynǵan: Nazerke Labıhan