Óndiristik orynda jastarmen kezdesken Aqtóbe oblysynyń ákimi Ońdasyn Orazalın memlekettik tilge kóp basymdylyq berilý kerek ekenin basa aıtty dep habarlaıdy Qamshy.kz aqparat agenttigi.

Kásiporyndar men zaýyttardaǵy jazba taqtaıshalarynyń memlekettik tilde jazylmaýyn synǵa alǵan oblys ákimi eń birinshi ortany tárbıeleý kerek ekenin jetkizdi.

«Basqa jınalystardy memlekettik tilde júrgizsek, zaýyt-fabrıkalar men jańa tehnologıaǵa kelgende resmı tilmen sóıleımiz. Ol da oılandyratyn dúnıe. Óndiris salasyna kelgen kezde jastar memlekettik tilde sóıleýi kerek. Ony oqý oryndarynda qalyptastyrǵan jón», — dedi Aqtóbe oblysynyń ákimi Ońdasyn Orazalın.

«SNPS-Aqtóbemunaıgaz» AQ-y qytaı basshysynyń esebin aýdaryp otyrǵan qyzmetker de eskertý aldy.

«Qytaı tilin jaqsy meńgerip alǵan ekensiń. Biraq qazaq tili qytaı tilinen qıyn emes shyǵar? Qaıta ózińniń ana tiliń. Keleside aýdarmany memlekettik tilde júrgizseń», — dep tapsyrma berdi óńir basshysy.

Usynǵan: Farıza Jomartqyzy