21 naýryzda Astanada qala turǵyny Záýre Saǵıdoldınany polısıa ustady. Bul týraly Qamshy.kz aqparat agenttigi azattyq radıosynyń deregin negizge ala otyryp habarlaıdy. 

Saǵıdoldına qala ákimdigine baryp Astana ataýyn "Nursultan" dep ózgertýge qarsylyq tanytpaq bolǵanyn aıtady.

Qala turǵynyn eki polısıa tańǵy ondar shamasynda ákimdikke ketip bara jatqan jolda ustap, polısıa departamentine alyp ketti.

Polısıa turǵyndy ustap jatqan sátte qolyndaǵy qaýlyny oqyp berdi. Qaýlyda Saǵıdoldınany elde tyıym salynǵan "Qazaqstannyń demokratıalyq tańdaýy" qozǵalysyna qatysty qylmystyq iske kýáger retinde shaqyrǵan. Polısıa naqty qaı qylmystyq is ekenin aıtpady.

20 naýryzda parlamenttiń qos palatasynyń birlesken otyrysynda Qazaqstan halqyna ant berip, prezıdent qyzmetine kirisken Qasym-Jomart Toqaev memleket astanasyna eldiń tuńǵysh prezıdenti Nursultan Nazarbaevtyń esimin berýdi usyndy. Ol "oblys ortalyqtaryndaǵy negizgi kóshelerge Nazarbaev atyn berý kerek" dedi. Osy kúni parlament Astana ataýyn Nursultan dep ózgertý týraly zań jobasyn qabyldaǵan Toqaev usynysyn Astana qalalyq máslıhaty da qoldaǵan. 

Usynǵan: Farıza Jomartqyzy