Qazaqstan Respýblıkasy Úkimetiniń janyndaǵy Respýblıkalyq onomastıkalyq komısıanyń otyrysy bolyp ótti, dep jazady Qamshy.kz aqparat agenttigi QR Mádenıet jáne sport mınıstrliginiń baspasóz qyzmetine silteme jasap.
2019 jylǵy 20 naýryzda Qazaqstan Respýblıkasy Úkimetiniń janyndaǵy Respýblıkalyq onomastıkalyq komısıanyń otyrysy bolyp ótti, onda birqatar jergilikti máslıhattardyń oblystyq qalalardyń ortalyq kóshelerin qaıta ataý týraly sheshimderi qaraldy.
Atap aıtqanda, Komısıa birqatar oblys ortalyqtarynyń kóshelerin QR Tuńǵysh Prezıdenti – Elbasy N.Nazarbaevtyń qurmetine qaıta ataý týraly sheshimderi qoldaý tapty.
Sonymen birge, Respýblıkalyq onomastıkalyq komısıa Atyraý, Aqtóbe, Qostanaı, Jambyl oblystarynyń ákimshilik ortalyqtaryndaǵy qaıta ataý úshin usynylǵan kóshelerdi ózge obektiler men kóshelerdi anyqtaı otyryp, qaıta qaraýdy usyndy.
Esterińizge sala keteıik, a.j. 20 naýryzda QR Prezıdenti Q.K.Toqaev zamanymyzdyń uly tulǵasy jáne táýelsiz Qazaqstannyń negizin qalaýshy retinde Nursultan Nazarbaevtyń esimin Qazaqstannyń iri qalalarynyń ortalyq kóshelerin qaıta ataý jolymen máńgilik este qaldyrýdy usynǵan bolatyn.
Usynǵan: Nazerke Labıhan
