Búgin Astana qalasynyń ákimi Baqyt Sultanov qala turǵyndaryn merekemen quttyqtap, astananyń «Nur-Sultan» atymen atalsa da qala turǵyndary astanalyqtar bolyp qala beretinin málimdedi  dep habarlaıdy Qamshy.kz aqparat agenttigi.

"Qymbatty astanalyqtar! Ardaqty elordanyń týrǵyndary men qonaqtary! Sizderdi Ulystyń uly kúni – Naýryz merekesimen shyn júrekten quttyqtaımyn! Naýryz – jańarý men jasampazdyqtyń, yrys-bereke men birliktiń merekesi. Halqymyz ony qashanda bıik kóńilmen, erekshe yqylaspen qarsy alady. Bul elimizdiń yntymaǵy men birligin, berekesin ýaǵyzdaıtyn uly meıram. Ótken men bolashaqty, tatýlyq pen syılastyqty jalǵaǵan jasampaz mereke. Qazaqstannyń Tuńǵysh Prezıdenti N.Á.Nazarbaev aldaǵy 10 jyldy elimizdi damyǵan 30 memlekettiń qataryna qosatyn sheshýshi kezeń ekenin atady. Qazaqstan Prezıdenti Qasym-Jomart Toqaev bizdiń basty mindetimiz – turǵyndardyń ál-aýqatyn arttyrý jáne turmysyn-tirshiligin jaqsartýdy jalǵastyrýdy tapsyrdy. Osynaý jańa jyldyń bastaýy elimizge erekshe jańalyǵymen kelip, jaqsylyqtyń jarshysy bolýda. Búginde biz damýdyń jańa kezeńine qadam bastyq.- dedi qala ákimi.

Baqyt Sultanov: Elorda ótkenniń qundylyqtaryn dáripteı otyryp, kúlli álemge «Nur-Sultan» atymen Qazaqstannyń jańa beınesin pash etip otyr. Bul Elbasymyzdyń erligi men eren eńbegin baǵalaý, esimin elep, máńgilik tarıxta qaldyrý. Alaıda, biz, bárimiz, astanalyqtar bolyp qala beremiz - dep málimdedi.

Usynǵan: Farıza Jomartqyzy