Qazaqstan Respýblıkasy Prezıdentiniń «Qazaqstan Respýblıkasynyń astanasy – Astana qalasyn Qazaqstan Respýblıkasynyń astanasy – Nur-Sultan qalasy dep qaıta ataý týraly» 2019 jylǵy 23 naýryzdaǵy Jarlyǵynyń qabyldanýyna baılanysty Ádilet mınıstrligi qujattardy aýystyrýdyń keregi joqtyǵyn málimdedi. Bul týraly Qamshy.kz aqparat agenttigi habarlaıdy.

 Astana ataýynyń ózgerýi azamattarǵa jyljymaıtyn múlikke quqyq belgileıtin kelesi qujattardy – satyp alý-satý, syıǵa tartý, aıyrbastaý sharty, paıdalanýǵa qabyldaý aktileri jáne basqa da qujattardy, sondaı - aq, azamattyq hal aktilerin tirkeý týraly qujattardy - týý, qaıtys bolý, neke qıý/buzý týraly kýálik jáne t. b. aýystyrý mindetin júktemeıdi. Osylaısha, qujattarda astananyń burynǵy ataýynyń kórsetilýi olardyń jaramsyzdyǵyna ákep soqpaıdy.

 Óz kezeginde, Ádilet mınıstrliginiń aqparattyq júıelerinde eldi mekenniń ataýy Astana qalasynan Nur-Cultan qalasyna avtomatty túrde ózgertiledi.

 «Azamattarǵa arnalǵan úkimet» memlekettik korporasıasynyń fılıaldary, sondaı-aq, memlekettik organdar men uıymdar memlekettik qyzmet kórsetý kezinde qujattardy burynǵy tártippen  qabyldaıtyn bolady.

 Usynǵan: Farıza Jomartqyzy