«QazMunaıGaz» UK AQ (budan ári - QMG) Qalamqas ken ornynyń uńǵymasynda bolǵan jaǵdaı týraly túsindirdi dep habarlaıdy Qamshy.kz aqparat agenttigi  «QazMunaıGaz» UK AQ baspasóz qyzmetine silteme jasaı otyryp.

2019 jylǵy 13 naýryzda «Mańǵystaýmunaıgaz» AQ-ǵa qarasty Qalamqas ken ornynyń kúrdeli ýchaskesinde uńǵymanyń qurylysy barysynda ken ornynyń ortalyq bóligine tán tehnogendik sıpattaǵy gaz-sý aralas tabıǵı burqaǵy shyqqan. Naýryzdyń 13-24 kúnderi mamandar kúrdelendirilgen burǵylaý eritindisimen uńǵymany jýý jónindegi jumystardy, sondaı-aq grıfondardy joıý úshin jóndeý-oqshaýlaý jumystaryn júrgizdi.

2019 jylǵy 25 naýryzda saǵat 05:46-da 8232 uńǵymanyń aýmaǵynda 16 naýryzda jer betine shyqqan gaz-sý qospasynyń oshaǵy jana bastady. «Semser – Órt sóndirýshi» JSHS jaýyngerlik tobynyń shaqyrylǵan orynǵa kelý ýaqyty 05 saǵat 58 mınýt. Qurban bolǵan jáne zardap shekkender joq.

2019 jylǵy 25 naýryzda saǵat 14:30-ǵa qaraı órtti aýyzdyqtaý úshin qosymsha Aqtaý qalasynyń MÓQQ 6 órt sóndirý toby kelip jetti: 4 avtosısterna, 1 jyljymaly sorǵy stansasy, 1 gaz-sý sóndirýshi avtomobıl.

Qazirgi ýaqytta órt shyqqan jerde Mańǵystaý oblysynyń TJD, «Semser – Órt sóndirýshi» JSHS jáne «Faır protekshn LTD» JSHS jeke quramynyń 53 adamy jáne órt sóndirý tehnıkasynyń 12 birligi jumyldyrylǵan.

Órtti sóndirý barysynda janǵan jerdi tasymaldanatyn lafettik oqpandarmen sóndirý úshin birneshe ret talpynystar jasaldy, alaıda órt oshaǵyna kirme joldardyń joqtyǵyna baılanysty órtti aýyzdyqtaý múmkin bolmady.

Operatıvti órt sóndirý shtabyn Mańǵystaý oblysy TJD bastyǵy Q.B.Bazarbaev basqarýda. Shtab quramyna «Mańǵystaýmunaıgaz» AQ bas dırektorynyń birinshi orynbasary B.A. Imanbaev, QM Indýstrıalyq damý jáne ónerkásiptik qaýipsizdik komıteti departamentiniń basshysy S.K.Qazaqbaev, KÁAQQ ROSH Mańǵystaý fılıalynyń (burqaqqa qarsy qyzmet), «SıBý» JSHS ókilderi jáne basqalar kirdi.

Usynǵan: Farıza Jomartqyzy