Aqparat jáne qoǵamdyq damý mınıstri Dáýren Abaev qazaqstandyqtar Astanany Nur-Sultan dep ózgertýdi qalaı qabyldaǵanyn aıtty, dep habarlaıdy Qamshy.kz aqparat agenttigi Sputnik Qazaqstan saıtynyń deregin negizge alyp.

"Qazaqstandyqtardyń reaksıasyn baqyladym. Astana ataýyn ózgertý aıtarlyqtaı pikirtalas týǵyzǵanyn moıyndaý kerek, sonyń ishinde teris pikirler de boldy", - dedi Abaev úkimet dálizinde.

Mınıstr elordanyń jańa ataýyna úırený úshin qazaqstandyqtarǵa ýaqyt qajet ekenin aıtty.

"Barlyq proses úshin belgili bir ýaqyt qajet. Esterińizde bolsa, Aqmolany Astana dep ózgertken kezde, túrli pikir aıtylǵan edi. Ýaqyt ótkennen keıin, Astana brendin bárimiz de jaqsy kórip kettik", - dedi vedomstvo basshysy.

Eske sala ketsek, Qazaqstan prezıdenti Qasym-Jomart Toqaev Astana ataýyn Nur-Sultan dep ózgertý týraly jarlyqqa qol qoıdy.

Usynǵan: Ásel Bolatqyzy