Baspasóz jıynynda fýtboldan Reseı quramasynyń bas bapkeri Stanıslav Cherchesovke qazaq tilinde suraq qoıǵan qazaq jýrnalıs, bapkerdiń suraqty aýdarmasyz-aq túsinip qoıǵanyn jetkizdi dep habarlaıdy Qamshy.kz aqparat agenttigi Zakon.kz saıtyna silteme jasaı otyryp.

Bul týraly áleýmettik jelide sport jýrnalısi Nurǵazy Sasaev jazady:

"Reseı quramasynyń bas bapkeri Cherchesov myrzaǵa "Stanıslav Salamuly" dep bastap, qazaq tilinde suraq qoıyp edim, "Orysshaǵa aýdarýdyń qajeti joq, men bárin túsindim" — dedi... Bári tań-tamasha boldy. Reseı quramasynyń baspasóz hatshysy "reseılik jýrnalıser úshin aýdarsyn" dep kúmiljidi.

Baspasóz jıyny bitken soń Reseıdiń keıbir jýrnalıseri kelip, surap jatyr: "sizder buryn qazaqsha sóılesip pe edińizder?", "Cherchesov qazaqshany jaqsy bile me?", taǵysyn taǵy...

"Áı, aınalaıyndar, ony júzbe-júz kórip turǵanym osy, Kavkazdaǵy qarashaı, balkar, noǵaılardyń tilderi bizge uqsas qoı. Cherchesov – osetın. Bálkim, olardyń da tili uqsas bolar. Qazaqshany qaıdan biletini maǵan beımálim...", dep qutyldym.

"Ol sizdi túsindim",- dedi ǵoı dep, qoımaıdy. Qysqasy, Reseıge Cherchesovtiń bir qyryn ashyp berdik. Qazaqsha túsinedi eken", – deıdi paraqshasynda Nurǵazy Sasaev.

Usynǵan: Farıza Jomartqyzy