Slovakıada tuńǵysh ret áıel adam el prezıdenti bolyp saılandy dep habarlaıdy Qamshy.kz aqparat agenttigi Reseıdiń  bbc.com  saıtyna silteme jasap.

Slovakıada ótken prezıdenttik saılaýdyń ekinshi týrynda advokat, quqyqqorǵaýshy, jemqorlyqpen kúresýshi Zýzana Chapýtova jeńiske jetti. Qarsylasy Marosh Shefchovıch  jeńimpazdy jeńisimen quttyqtady.

Chapýtovanyń saıası tájirıbesi joq. Ol saılaýdy zulymdyq pen jaqsylyqtyń kúresi dep atady.

Oǵan saılaýshylardyń 58,38 paıyzy qoldaýyn bildirdi. Al Chapýtovanyń qarsylasy Eýrokomıssıa tóraǵasynyń orynbasary Marosh Shefchovıchty azamattardyń tek 41,62 paıyzy jaqtady. Sóıtip, Slovakıada alǵash ret áıel prezıdent boldy.

Al saılaýdan keıin baspasóz máslıhatyn ótkizgen Zýzana Chapýtova eldiń damýyna bar kúsh-jigerin aıamaıtynyn aıtyp ótti. Jańa prezıdent qyzmetine maýsymnyń 15-inde kirisedi dep jazady atalmysh saıt. 

Usynǵan: Maqpal Sembaı