Áleýmettik jelilerdiń birinde keńinen taralyp ketken tómendegi hatty saýal retinde joldaǵan oqyrmanǵa islam.kz saıty jaýap berdi dep habarlaıdy Qamshy.kz aqparat agenttigi.
"Sáýir jańbyrynyń paıdalary... Sýlardyń ishindegi eń taza sý –sáýir jańbyry. Sáýir jańbyrynda sýlanǵan kıim shirimeıdi, shashtar tógilmeıdi, ásirese oqylǵan sáýir jańbyry Allanyń ruqsatymen qoıanshyq aýrýyna shıpa bolady, psıhologıalyq aýrýlarǵa daýa, tán aýrýlaryna qarsy kóp paıdaly... Sáýir jańbyryna oqylatyn duǵa men súreler. 1) Salaýat shárip 70 ret. 2) Istıǵfar shárip 70 ret. 3) Fatıha shárip 70 ret. 4) Áıatúl Kúrsi 70 ret. 5) Láqad já-ákým (aıatyn sońyna deıin) 70 ret. 6) Iasın shárip 1 ret. 7) Álám Nashrah láká 70 ret. 8) Inna Ánzálnáhý 70 ret. 9) Kafırýn sýresi 70 ret. 10) Ihlas súresi 70 ret. 11) Fálaq súresi 70 ret 12) Nas súresi 70 ret. 13) Sýbhanallahı Ýálhamdý lılláhı (tásbıh duǵasy) 70 ret. 14) Lá Haýlá ýa lá qýýata ıllá bılláhıl alııl azım 70 ret. 15) Salaýat shárip 70 ret. Eger osy duǵalardy ózi oqı almaı jatsa, qatesiz oqı alatyn kisilerge oqytady..." Myna málimet whatsapp-ta taralyp jatyr. Osy málimet qanshalyqty ras?
Alǵashqy jaýǵan jańbyrdyń paıdasyna ıshara etken Paıǵambar (s.ǵ.s.) hadısi bar. Sahaba Ánás ıbn Máliktiń aıtýy boıynsha, olar Paıǵambarmen (s.ǵ.s.) birge júrgen kúnderdiń birinde jańbyr jaýady. Sonda Alla elshisi jaýǵan jańbyr denesine tısin dep, kóılegin sheshken eken. Nege olaı etkenin suraǵan sahabalarǵa Ol (s.ǵ.s.): "Bul jańbyr - Rabbymnan jańa kelýde", ıaǵnı, "Jaratýshy Allanyń jańa jaratqan nesibe-bereketi" dep jaýap bergen. (Sahıh, Mýslım)
Osyǵan oraı Imam Náýáýı (er kisiniń) áýret jerine deıin (belge deıin) kóılegin sheship, alǵashqy jaýǵan jańbyr sýyn denesine tıgizýi mustahab degen.
Endeshe, kóktemde jaýǵan alǵashqy jaýyndy teberik dep bilip, onymen denesin jýsa nemese aýasy taza jerdegiler ony ishse, aǵattyǵy bolmas
Alaıda, dál "sáýir aıyndaǵy jaýynǵa" baılanysty naqty rıýaıat kezdestirmedik. Al joǵarydaǵy málimet kóbinese "SHIIZM" aǵymy ókilderiniń kitaptarynda oryn alǵan. Olardyń bergen dinı málimeti bizge negiz bola almaıdy.
Usynǵan: Maqpal Sembaı
