Qaraǵandy oblysyndaǵy Sátbaev qalasynda bolǵan jappaı tóbelesten 16 jastaǵy jasóspirim qaza tapty.
"Sátbaev qalasynda tóbelestiń saldarynan 16 jastaǵy azamattyń qaıtys bolý deregi boıynsha sotqa deıingi tergeý-tekserý amaldary júrgizilip jatyr", - delingen habarlamada. Tártip saqshylarynyń aıtýynsha, qaza bolǵan er adamnyń denesinde pyshaq izderi tabyldy.
Sátbaev qalalyq İshki ister bólimi krımınaldyq polısıa bólimshesiniń qyzmetkerleri jedel izdestirý is-sharalary barysynda jábirlenýshige sózge kelispeýshilik barysynda pyshaqpen dene jaraqattaryn keltirgen 15 jastaǵy jasóspirimdi ustady. "Qazirgi ýaqytta ustalǵan azamat ýaqytsha ustaý ızolátoryna qamaldy. Tergeý amaldary júrgizilip jatyr", - dedi polıseıler.
