Nur-Sultannyń joldaryn arnaıy sýsabynmen tazalaýda dep jazady Qamshy.kz aqparat agenttigi. Bul týraly elorda ákimi Baqyt Sultanov óziniń feısbýk paraqshasy arqyly málimdedi. 

"Qurmetti qala turǵyndary! Qadirli astanalyqtar! Búgin Elordanyń jol tazalaý qyzmetinde jańa ádisti qoldanýdy bastadyq. Komýnaldyq qyzmetter alǵash ret qala joldaryn arnaıy jýǵysh qural – joldyń ústine arnalǵan sýsabynmen jýa bastady. Ony qoldaný asfáltty taıǵaqqa qarsy materıaldardyń qaldyqtarynan, eskirgen japqyshtardan, munaı qaldyqtarynan jáne qysqy maýsymda paıda bolǵan maı daqtarynan tazartýǵa yqpal etedi. Qarapaıym sýmen muny tazalaý múmkin emes. Al bizge jol belgilerin salý aldynda kóshelerdi muqıat jýý óte mańyzdy. 
Bul shampýndi komýnaldyq qyzmetterdiń paıdalanýy jol sapasyn jáne bizdiń júrgizýshilerimizdiń qaýipsizdigin jaqsartýǵa septigin tıgizedi.
Jýǵysh zat eshqandaı zıandy zattardy bólmeıdi, óıtkeni jol shampýn qorshaǵan ortaǵa zıansyz.
Aldaǵy ýaqytta komýnaldyq qyzmetterdiń aldynda kóptegen jumystar bar, kósheler qajet bolsa kún saıyn tazartylatyn bolady", - dep jazdy Baqyt Sultanov. 

Usynǵan: Ásel Bolatqyzy