Kúni keshe shaǵynaýdan turǵyndary jaǵymsyz kórinistiń kýási boldy. Qoshqar ata ózeninde óli balyqtar sý betinde qalqyp júrdi, dep jazady Qamshy.kz aqparat agenttigi otyrar.kz saıtynyń deregine súıenip.

Asatýllo Ibragımov, jergilikti turǵyn: «Men munda 50 jyldan astam ýaqyt meken etip kelemin. Biraq buryn eshqashan mundaı jaǵdaı bolǵan emes. Biz osy ózennen sý ishken edik, shomylatynbyz, biraq qazir ne bolǵanyn túsinbeımin! Tań qalyp otyrmyn» deıdi.

Qoshqar ata ózeninde balyqtardyń birneshe túri kezdesedi: torta, sırek kezdesetin tuqy jáne eń baǵaly kókbasy jáne baqtaq bar. Dál qazirgi ýaqytta ýyldyryq shashý kezeńi ekenin eskersek, tabıǵatqa qansha zıan kelgenin esepteý qıyn emes
Farmanov Gafýrjan, jergilikti turǵyn: «Óli balyqtardyń sanyn qarańyz. Bireý hımıalyq zattyń birin quıǵan shyǵar. Qandaı úlken balyq! Endi ol qazir ýyldyryq shashatyn kezeńi. Biz bul ózenniń sýymen baqshamyzdy sýǵaramyz».

Kókbasy balyǵy taza jáne salqyn sýda ǵana tirshilik etedi. Balyqtardyń jappaı qyrylýynyń sebebin anyqtaý úshin zerthanalyq tekserýge jiberýge balyqtardy jáne sý úlgisin aldyq.