"Jetinshi arnadaǵy" Láılá Sultanqyzy júrgizetin "Óz oıym" tok-shoýynyń bir taqyryby "Qyzdyq perde qyzyqtyra ma?" - degen máselege arnalǵan bolatyn. Tok-shoý qyzdyń "óz qyzdyǵymdy satamyn" — degen jazbasyna baılanysty bolǵan edi. Bul jaǵdaı kóptiń ashýyna tıip, kópshilik atalǵan baǵdarlamanyń jabylýyn talap etýde dep habarlaıdy Qamshy.kz aqparat agenttigi.
Aıgúl Orynbek, zańger: El bolam deseń, Láıláńdi túze!
Ultymyzdyń Qurmetti Qaıratkeri Láılá Sultanqyzy, qazaq qyzdarynyń páktigin qalaı satyp jatqandyǵyn ashyq kórsetipti. Láılá hanym sol páktikti satyp alatyn, úlken laýazymda otyratyn sheneýnikterdi de ashyq kórsetseńizshi! Suranys joǵary bolǵan soń, páktik satylymǵa shyǵyp jatyr eken. Sol páktikti satyp alatyn aǵalardy nege kórsetpeısiz? Álde olarǵa shamańyz jetpeıdi me?! Jalpy ultty joıý saıasaty baıaǵydan bastalyp ketken! Aqparat Mınıstri Abaev qaıda qarap otyr?- dep jazyp áýre bolmaı aq qoıaıyn. Bizde ekran betinde tek bılikke ǵana sóz aıtpasań boldy, qalǵan bárine ruqsat! Ultyńdy satasyń ba? Pákitigińdi satasyń ba? Tipti tyrjalańash sheshinip, súıisip jatasyń ba? Olarǵa báribir. "Oıbaı, Masqara jazsańyzshy, aıtsańyzshy"- dep jatqandarǵa aıtarym. Mınıstr Abaevqa "Qalaýlym " baǵdarlamasy jaıly tikeleı aıttym da,jazdym da! Ne ózgerdi? Ózgergen túkte joq! Olardyń halyqqa qol qoıǵany bar. Halyqty osyndaı arzan shoýlarmen topastandyrý !
Qatty aıtsam keshirińizder! Baspen emes, butpen júretinderdiń zamany bul! Butpen júretinderdiń áńgimesi, sol buttyń aınalasynan shyqpaıdy! Butpen aınalysyp júrgen azamatshalarǵa qaıratker degen ataq berilip jatsa, kóshedegi jezókshelikpen aınalysyp júrgen qyzdarǵa kóshe qaıratkerleri ataǵyn bereıik! "Óz oıym"- dep laǵa bermeı ulttyń ıdeologıasyna kóńil bóletin ýaqyt jetti! Qasym-Jomart Toqaev myrza birinshi ekran betin tazalaýdy suraımyn!
Dana Nurjigit, jýrnalıs: Myna páktikti kórip otyryp,tazalyqtyń qunyn túsirgen kóriniske oıym orala berdi. Men "páktigimdi saýdaǵa salamyn" degen taqyrypta baǵdarlama jasap, keıipkerge aqsha tólep,"habar jasadym" desem, Qudaı qarttyq berip jatsa,bolashaqta balamnyń betine qaraı almas edim. Nájisti loqsymaı,jymıyp qoıyp,ezip otyryp, abyroıdy reıtıńten tómen qoıý úshin et ólip ketý kerek.
Arman Sqabyluly: Kópshiliktiń, kórermenniń, áriptesterdiń pikirine pysqyrmaıtynyńdy bilemin, Láılá Sultanqyzy! Biraq, Qazaqstan Respýblıkasy BAQ týraly zańynyń 13 babyna sáıkes «...teleradıobaǵdarlamalarda pornografıalyq jáne arnaıy seksýaldy-erotıkalyq taqyrypty» nasıhattaǵanyńyz úshin baǵdarlamańyz jabylyp, quryltaıshylaryńyz jaýapqa tartylatynyn nege bilmeısiz? Al, Qylmystyq Kodekstiń 309 babyna sáıkes «jeńgetaılyq» jasaǵany úshin bes jylǵa deıin bas bostandyǵynan aıyrady. Siz shynymen keremet jýrnalıs bolsańyz efırde sol seksýaldy-erotıkalyq taqyrypty qozǵap, abyroıyn satatyn qyzdy jarnamalaǵan kezde osyny oılaýyńyz kerek edi. Bul máselege Aqparat jáne Qoǵamdyq kelisim mınıstrligi jaýap beredi dep úmittenemin.
Nurbolhan Sharapov: Ulttyq ıdeologıany qurtatyn osyndaı baǵdarlamalardy efırden alý kerek. Qansha degenmen demokratıa bolsa da, biz qazaqpyz, namysyn taptatpaǵan uly eldiń urpaǵymyz. Qazaq halqy áý bastan qyzǵa qyryq úıden tıym degen. Qyz eldiń aınasy dep erekshe kóńil bólgen. Qyzdyń abyroıy qashanda joǵary turǵan. Sondyqtan biz abyroıyn satatyn adamdardy emes, abyroıyn qorǵaıtyn adamdardy tárbıeleý kerekpiz. Bálkim siz bul baǵdarlamany bilmeıtinde shyǵarsyz. Bilmeseńiz sizge kórýge keńes beremin. Abyroıyn satý degen ne sumdyq? Sony jarıalaý kimge kerek? Erteń osyny kórgen qanshama jasóspirim mynaý jaqsy dúnıe eken dep sondaı qadamǵa barýy bek múmkin ǵoı. Ózińiz aıtyńyzshy qoǵamnyń damýy úshin osy bizge kerek pa? Buǵan bólgen aqshaǵa tárbıelik máni bar baǵdarlama túsirse sol paıdaly emes pa edi? Óz oıym dep oıyna kelgenin jasap, aýzyna kelgenin aıta berse budan ultqa ne paıda?
"Aryńdy satqansha bazarda balyq satǵ pıste sat. Nıetiń taza bolsa, naǵyz joldasyń bolady. Sen aıtyp otqan 2 mıllıon bolsyn mıllıard bolsyn arynnan kymbat emes. Bettı ashyp býlaı bolmaıdy, aıtarǵa sóz joq" - deıdi áleýmettik jeli qoldanýshysy.
Taǵy bir áleýmettik jeli qoldanýshysy: Nege osy baǵdarlama tek osy tıpti áńgimelerdi qozǵaıdy?Jynystyq qatynas, Shyryn,Qyzdyq, shóp salý ,taǵysyn taǵy .Osynyń aınalasyndaǵy áńgimeler - deıdi.
Qoǵamnyń aıtar oıy osy. Órimdeı qyzdyń qyzdyǵyn satyp, paıda tappaq bolǵany bir bólek, ony jarnamalap otyrǵan "Óz oıym" baǵdarlamasyna halyqtyń ókpesi qara qazandaı. Bul máseleniń sońy nemen aıatalar eken, "Óz oıym" jabylady ma? Kúteıik.
Usynǵan: Farıza Jomartqyzy
