Jıyn kezinde jýrnaldyń tusaýkeseri ótip, onyń mazmuny tanystyryldy. Bul basylymda medısınalyq baǵyttan bólek, naýqastardyń jan-aıqaıy, dárigerlerdiń, ózge de qyzmetkerlerdiń pikiri qamtylypty. Oǵan qosa, bul jerden qaraqurt aýrýymen eńsesin túsirmeı, talmaı kúresip kele jatqan jandardyń kúres joly, jetistigi, qaıǵy-muńy esh boıamasyz berilgen. Konferensıa barysynda Týberkýlez problemalary ulttyq ortalyǵynyń dırektory Tileýhan Shildebaıuly elimizdegi jaǵdaıǵa da toqtala ketti.
«Bıyl naýqastaný kórsetkishteri 9,5%-ǵa tómendegen. Al ólim kórsetkishteri 16,1%-ǵa deıin qysqarǵan. Týberkýlezdi anyqtaý máseleleri de tolyǵymen sheshildi. Qazaqstannyń osyndaı týberkýlezben belsendi kúresin baıqap otyrǵan sheıteldik kompanıa jýrnal shyǵarý týraly usynys jasady. Qazaqstandaǵy jumystardy ózge shetelderge jetkizý maqsatynda shyǵaryldy», -deıdi Týberkýlez problemalary ulttyq ortalyǵynyń dırektory.
«Otsuka» kompanıasynyń medısınalyq jobalar boıynsha menedjeri Mark Destıto Týberkýlez problemalary ulttyq ortalyǵyn, qyzmetkerlerine alǵys aıtyp: «Sizder bizdiń ıdeıamyzǵa qoldaý bildirip, yntymaqtastyq qarym-qatynasta jumys istedik. Qazir jýrnal 30 myńnan asa tarylymmen shyqty. Bul jýrnal medısınalyq ýnıversıtetterde, emdelý ortalyqtarynda, túrli uıymdarda taralatyn bolady. Bizdiń kompanıa qyryq jaldan asa týberkýlezben kúresip keledi. Sondyqtan birigýdiń biz úshin mańyzy zor. Bul jýrnal sizderdiń qoǵam úshin paıdaly bolady degen úmittemiz» dep sózin aıaqtady.Konferensıa spıkerleri jýrnalıser suraǵyna jaýap berdi. Sonymen qatar, BAQ qyzmetkerleri buryn týberkýlezben aýyryp, qazir tolyq aıyqqan adammen tikeleı suhbat qurdy. Ońtústik Qazaqstan oblysynyń turǵyny, 50 jastaǵy Orynbasar Meıramuly birneshe jyl buryn qaraqurt aýryna shaldyqqan. Qazir tolyǵymen aıyqqan. Ol jýrnalıserge basynan ótken qıyndyqtar men kedergiler týraly ashyq áńgimelep berdi.
«2007 jyldyń aıaǵynda týberkýlezdyń ashyq túrine shaldyqtym. Bastapqyda sene almadym. Biraq maǵan týberkýlezben aýyrasyń dep dıagnoz qoıdy. Árıne, qoryqtym. Kúresý kerek boldy. Biraq dáriger-ftızıatrlardyń kómegimen osy aýrýdy jeńip shyqtym. Qazir el qatarly jumysymdy istep júrmin» deıdi ol.Jıyn sońy kofe-breıkpen jalǵasty. Mundaı áriptestik aldaǵy ýaqytta dástúrge aınalmaq.
AnyqtamaElimizde týberkýlezben kúres úzdiksiz ári maqsatty túrde júrgizilip keledi. Týberkýlezge qarsy kúrestiń nátıjesinde sońǵy on jylda bul dertke shaldyǵýshylar sany azaı dy.Máselen, týberkýlezge shaldyǵý 54,9%,-ǵa, al ólim-jitim kórsetkishi 77,4%-ǵa tómendedi. 2014 jyldyń jyldyq qorytyndy kórsetkishterden de jaqsy nátıjeni baıqaýǵa bolady. 2014 jyly 2013 jylmen salystyrǵanda týberkýlezge shaldyǵý deńgeıi 9,5%-ge, ólim-jitim 16,1%-ge azaıdy. Iaǵnı, 100 myń adamǵa shaqqandaǵy kórsetkish 5,6-dan 4,7-ge tústi.
