Qoǵam belsendisi, zańger Aıgúl Orynbek óziniń áleýmettik jelidegi paraqshasynda Jetisaı qalasynda oryn alǵan sumdyq oqıǵaǵa baılanysty jańa derekterdi keltirdi dep habarlaıdy Qamshy.kz aqparat agenttigi. 

Ógeı sheshesinen azap kórgen apaly-sińli úsh qyzdyń týǵan anasy shyndyǵyn aıtypty. Onyń aıtýynsha, qyzdardyń ákesi salafıt aǵymyna kirip ketken eken.

"Qyzdardyń týǵan anasy óz shyndyǵyn aıtty.
Ákesi salafı aǵymyna kirip, kúnde uryp soǵyp otyrǵanyn da jetkizdi. 
Qyzdardy tastamaıtyn edim, "ol meni májbúrledi, úıden qashýyma ıtermeledi" dep jylap otyr.
Árkimniń óz shyndyǵy bar!
Men eshkimdi aqtamaımyn!
Men tek qyzdardy myna qatygez jaýyzdardan oqshaýlaý kerek ekenin túsindim. Memleket óz baqylaýyna alyp, qyzdardy beıimdeý, ońaltý ortalyǵyna jatqyzý kerek. Qyzdarmen pedpsıhologtardan bólek, psıhıatrlar jumys jasaýy kerek!
Maǵan úsh qyzdyń qaýipsizdigi kerek. 
Bul ómirde aqshadan da qundy dúnıe bar ekenin túsiný kerek. Ol – balalardyń tynysh ómiri!" - dep jazady Aıgúl Orynbek.

Usynǵan: Nazerke Labıhan