Prezıdenttikke kandıdattardy tirkeý bastaldy. Al «Prezıdenttikke kandıdat retinde alǵashqy bolyp tirkelgen Sádibek Túgel kim?» degende oǵan berer jaýap bar: Ol - «Qazaqtyń Qazanaty qaıda?» dep júrgen ultjandy qaıratker. Sonymen...

–«Uly degen sózden qashpaý kerek. Qazaq– Uly halyq. Qazaq uly bolmasa, osynaý Uly jerdi ustap tura almaǵan bolar edi. Meniń zertteýimde qazaqtyń tarıhyndaǵy barlyq soǵystyń 90 paıyzy osy Uly dala jeri úshin bolǵan. Bizdiń mindetimiz–Uly dalany qasterleý, qurmetteý, tarıhyn zertteý, qazirgi qazaq jastaryn erlikke, batyrlyqqa, batyldyqqa, otanshyldyqqa, jerdi súıýge tárbıeleý. «Biz kimmiz?» degende,  Altaıdan Atyraýǵa, Ulytaýdan Alataýǵa deıingi ulanǵaıyr jerdi mekendeýshi –Uly qazaq halqynyń urpaǵymyz deýimiz qajet,–deıdi ol.  

–Bizde ulttyq ıdeologıa, jastardyń tálim-tárbıesi kemshin soǵyp keledi. Ony baıý, baıý, baıý degen uǵymdar basyp qalǵan. Bul degenimiz, aldymen ekonomıka, sosyn ıdeologıa degen uǵymnyń saldary dep esepteımin. Meniń pikirimshe, ekonomıka men ıdeologıa  qyran qustyń qanatyndaı teń bolýy kerek. Birge júrýi kerek. Sonda ǵana ult rýhanıaty joǵary deńgeıde bolady,–deıdi ol.

Ol –Uly dalaǵa arnalǵan «Uly dala batyrlary», «Uly dala tulparlary»,  «Zamana jelmen jarysqan Qazanat» atty ulttyq rýhqa toly ıgi sharalardy turaqty ótkizip júrgen azmat.

Ol – «Ula dala tulpary – Qulagerge» eskertkish turǵyzǵan jany qazaqy jigit

Qazir ol dostarymen birlesip, dúnıe júzinde teńdesi joq «Uly Dala Dańqy» murajaıyn salýda.

Ol – Astanaǵa arnalǵan «Astana qaharmandary» – «Pervoprohodsy Astany» atty jobanyń avtory.

Ol – Gýmanıtarlyq Ǵylymdar Akademıasynyń Akademıgi. Shyǵys Qazaqstan oblysy Ulan aýdanynyń Qurmetti azamaty.

Sádibek Túgel – Ulttyq sport salasynda da aıtarlyqtaı tabystarǵa qol jetkizgen azamat. Ótken ǵasyrdyń 90 jyldary  QR Ulttyq  At sporty túrleriniń negizin qalady,  alǵashqy erejesin jazdy, jumysyn jetildirdi. Sádibek Túgel  búkil Qazaqstan atbegileriniń 1995 jyly Almaty qalasynda ótken  tuńǵysh quryltaıynyń bastamashasy.

Ol - Uly dala qyrandary»»respýblıkalyq halyqtyq qozǵalystyń teńtóraǵasy.

Ol– Qazaqstan Respýblıkasy Ulttyq At Sporty Túrleri Federasıasynyń Prezıdenti.

Ol –jazýshy, Qazaqstannyń eńbek sińirgen qaıratkeri, jýrnalıs.

Prezıdenttikke kandıdat týraly az-kem derek

Túgel Sádibek – jazýshy. 1955 jyldyń 25 aqpanynda Shyǵys-Qazaqstan oblysynyń Ulan aýdanynyń Amankeldi aýylynda dúnıege keldi. Ulttyq qundylyqtardyń ulyqtaýshysy, zertteýshisi, Nur-Sultan qalasynyń tuńǵysh baspasóz hatshysy, Ulttyq At sporty Federasıasynyń prezıdenti, «Uly Dala Qyrandary» respýblıkalyq qoǵamdyq áleýmettik-mádenı qozǵalysynyń teń tóraǵasy, QR eńbek sińirgen qaıratkeri, jazýshy.

Sádibek Túgel  1955 jyly 23 aqpanda Shyǵys Qazaqstan oblysy Ulan aýdanynyń Amankeldi aýylynda týǵan.

1980 jyly Qazaq Memlekettik ýnıversıtetiniń jýrnalısıka fakúltetin, 1990 jyly Almatydaǵy polıtologıa-basqarý ınstıtýtyn (burynǵy joǵarǵy partıa mektebi) tamamdaǵan. Áskerı mindetin atqaryp kelgen soń, Almaty maqta ıirý fabrıkasynda slesar bolyp jumys istegen. 

1977–1978 jj. Ulan aýdandyq «Rasvet» – «Órken» gazetinde aýdarmashy, 1978–1979 jj. Ulan aýdandyq atqarý komıtetiniń uıymdastyrý bóliminde nusqaýshy, 1979–1984 jj. Ulan aýdandyq partıa komıtetiniń uıymdastyrý bóliminiń meńgerýshisi, 1990–1991 jj. aýdandyq halyqtyq baqylaý komıtetiniń tóraǵasy, 1991–1992 jj. halyq depýtattary aýdandyq Keńesiniń tekserý komısıasynyń tóraǵasy, 1992–1994 jj. aýdandyq «Ulan tańy» – «Ýlanskıe zorı» gazetiniń redaktory qyzmetterin atqarǵan. Memlekettik emtıhan komısıasynyń 1990 jylǵy sheshimimen polıtolog, joǵarǵy jáne orta dárejeli oqý oryndarynda áleýmettik-saıası máseleleriniń oqytýshysy mamandyǵyn alǵan. 

1994–1998 jj. «Qazaq Televıdenıesi men Radıosy» Korporasıasynda jaýapty qyzmetter atqaryp, 1998–2003 jj. Elordamyz – Astana qalasynyń baspasóz hatshysy, baspasóz ortalyǵynyń jetekshisi, Astana Halyqaralyq baspasóz ortalyǵynyń bas dırektory mindetin atqarǵan. 2003–2005 jj. Qazaqstan Respýblıkasy Parlamenti Senatynyń buqaralyq aqparatpen baılanys bóliminiń meńgerýshisi bolyp qyzmet etken. Qazir Qazaqstan Respýblıkasy Ulttyq At Sporty Túrleri Federasıasynyń Prezıdenti bolyp qyzmet atqarady.

Áńgimeleri gazet, jýrnaldarda jarıalanyp turady. «Qaıdasyń, qazaǵymnyń qazanaty?!» derekti povesiniń, «Asyl jırenniń kıesi» áńgimeler jınaǵynyń avtory.